Video
Read full review
2017-11-14
1445 views
今日同閨密去荃灣行街，行過見到間餐廳裝修好靚好多公仔，就坐低醫下肚，原來唔止環境，食物都好出色啊！！餐廳係荃環愉景新城，由地鐵站出口行過去十分鐘左右就到，位置方便又易搵店舖裝修以卡通公仔做主題，童真嘅佈置好吸引小朋友嘅目光，經過門口都忍唔住回頭望多兩眼店舖門口放佐一個大大嘅蛋糕櫃，擺放佐各款精緻嘅蛋糕，真係好想每款都試一啖餐廳環境出色，食物質素同樣值得一讚餐廳係用半自助式經營，要先到收銀處點餐，侍應服務態度認真抵讚菜式、甜品各樣都解釋得好詳細，晚餐有set dinner 二人餐選擇，有湯、沙律、主菜、餐飲，跟埋甜品，價錢先188，咁抵緊係揀呢個啦先嚟一個南瓜湯，入口滿滿嘅南瓜蓉，質感細滑，夠晒creamy每啖都散發出濃濃嘅南瓜味，最重要嘅係，夠熱度啊再嚟一個煙三文魚沙律，份量好多，大大碟沙律將我地嚇呆煙燻過嘅三文魚帶有陣陣咸味，肉質結實，煙燻味濃與清新可口嘅沙律配合得天衣無縫，醒神開胃主菜印尼炒飯，上菜時熱辣辣，即叫即炒，份量都幾多，炒飯材料有蝦、雞肉、肉碎等，飯上面舖上佐一大隻太陽蛋同幾塊蝦片，最欣賞係飯炒得好乾身又不油膩，炒飯用既秘製醬汁甜甜辣辣，食完一啖又一啖再嚟個大大份娘惹咖哩
就坐低醫下肚，原來唔止環境，食物都好出色啊！！
餐廳係荃環愉景新城，由地鐵站出口行過去十分鐘左右就到，位置方便又易搵
店舖裝修以卡通公仔做主題，童真嘅佈置好吸引小朋友嘅目光，經過門口都忍唔住回頭望多兩眼
店舖門口放佐一個大大嘅蛋糕櫃，擺放佐各款精緻嘅蛋糕，真係好想每款都試一啖
餐廳環境出色，食物質素同樣值得一讚
餐廳係用半自助式經營，要先到收銀處點餐，侍應服務態度認真抵讚
菜式、甜品各樣都解釋得好詳細，晚餐有set dinner 二人餐選擇，
有湯、沙律、主菜、餐飲，跟埋甜品，價錢先188，咁抵緊係揀呢個啦
先嚟一個南瓜湯，入口滿滿嘅南瓜蓉，質感細滑，夠晒creamy
每啖都散發出濃濃嘅南瓜味，最重要嘅係，夠熱度啊
再嚟一個煙三文魚沙律，份量好多，大大碟沙律將我地嚇呆
煙燻過嘅三文魚帶有陣陣咸味，肉質結實，煙燻味濃
與清新可口嘅沙律配合得天衣無縫，醒神開胃
主菜印尼炒飯，上菜時熱辣辣，即叫即炒，份量都幾多，
炒飯材料有蝦、雞肉、肉碎等，飯上面舖上佐一大隻太陽蛋同幾塊蝦片，
最欣賞係飯炒得好乾身又不油膩，
炒飯用既秘製醬汁甜甜辣辣，食完一啖又一啖
再嚟個大大份娘惹咖哩雞pizza，pizza烤得脆身，
餅底嘅醬汁用上秘製既沙嗲咖喱醬，馬來味極濃，
加埋粒粒雞肉同一層薄薄嘅芝士，一啖咬落去，
層次豐富，十分惹味，係我食過最特別嘅一個pizza
見隔離枱碟薯條賣相好吸引，我地再叫多佐個炸薯條配蜜糖芥末
呢道菜絕對係成晚嘅重點之作，薯條炸得脆口又唔乾，
外脆內軟，食得出係用上好多薯仔磨成嘅薯條，
同坊間只有炸粉味嘅感覺好唔同，啖啖薯蓉，十分滋味
甜品我揀佐栗子雪芳蛋糕，舖在蛋糕上的栗子蓉質感幼滑甜美，
入面的栗子蓉配上軟綿綿嘅雪芳蛋糕，甜而不膩，
睇落平凡嘅蛋糕，食落一啲都唔平凡
招牌雞蛋仔，咁得意點可以唔試，雞蛋仔上面用佐可愛嘅公仔，
造型係一粒男仔一粒女仔，好盞鬼過癮，濃濃嘅蛋香同牛油味，
又唔會太甜，粒粒脆口，咬落卜卜聲，
蘸埋酸酸甜甜嘅士多啤梨醬，好fresh嘅感覺啊
Post
