Wagyu Ya (Closed)

同朋友出尖沙嘴食飯, 想搵啲好野食，研究過後就到左Wagyu ya食和牛, 獎勵下自己😂 店內燈光微黃,木系枱凳,好有日本居酒屋Feel, 我地選擇坐吧枱位，更添風味。Menu 選擇好多，有點單有套單，同朋友商量完之後，決定點幾樣試吓。黑松露帶子沙律 - 新鮮沙律🥗配上帶子刺身，沙律醬混上黑松醬露醬，送試枱已經陣陣松露香，帶子鮮甜。肉食者 - 不同牛部位拼盤,牛脷 、肩胛肉 、西冷 、三角腩, 每個部都不同口感, 牛脷爽口, 肩胛肉軟腍, 西冷多汁, 三角腩油脂豐富，牛味濃，最好味呢款😍 和牛鵝肝三文治 - 烘過嘅牛油多士，夾上和牛同鵝肝，拌上燒汁，食嘅時候有啲醋味，原來加左啲醋來中和翻牛同鵝肝，無咁漏，非常完美. 盛意滿滿和牛丼， 成個丼放滿海膽、鵝肝、溫泉蛋、黑魚子、和牛碎，撈埋溫泉蛋，味道香濃😍呢間下次要再去試埋其他，滿心驚喜嘅和牛店。