蘭苑饎館

Open Now

Now Closed

今晚試咗間小菜館，我開頭以為自己去錯地方，但原來這裡係食龜苓膠、甜品以外，還有小菜食……聽聞好出名喎，所以排隊需時，今晚係星期五，七點左右，好彩吾係等好耐……等位期間，已經在門外個餐牌揭來揭去睇下有咩食，吾講我真係吾知，原來呢度啲煲仔菜套餐的主菜、汁料及配料可在指定選擇內任你配搭，都幾好喎，睇完就決定要1.蝦醬蒸肉片及 2. 沙茶栗子欖角蒸鯇魚啦……這個套餐包括有一個小菜、一碟油菜、一碗仔例湯及一碗飯/麵/米粉/河粉，認真夠飽啊……等咗一陣，先來碗餐湯~紅蘿蔔菜乾湯，夠清吾覺有味精，冇耐蒸鯇魚到，沙茶醬欖角栗子蒸的味道幾得意，主要係沙茶醬味，有別於平時豉汁蒸，都不錯呀，送飯幾好，再來係蝦醬蒸肉片，因為好耐冇食蝦醬，所以點呢個，個肉片應該用蝦醬醃，好入味，肉也很腍，味道好好……雖然個碟頭份量吾多，但對我來說一個人一個餐確實好飽呀！拔兄果然冇介紹錯呢！