Video
Read full review
2022-05-14
488 views
終於等到晚市重開，所有人都在報復式消費，想搵間餐廳落腳都幾困難。朋友介紹之下，知道銅鑼灣新開這間Omakase，便來試一試。餐廳位於邊寧頓街，不是銅鑼灣最中心的位置，但尚算易搵。一進入餐廳，14代酒樽擺設很美觀，頗有日本feel，餐廳壽司bar以U形設計，空間感十足，唔需要坐得太迫，讚！這裏晚餐omakase 有三個Menu，當天我和朋友選了$2,000大洋的「舍」，師傅說總共有23道菜，於是便決定用它來試一試此店的虛實。第一款是三款前菜，包括白螺、蟹肉忌廉豆腐、培茶煮八爪魚。白螺好新鮮，蟹肉忌廉豆腐亦相當特別，但個人覺得奶味重咗啲。接下落嚟係魚生的部份，由於實在太多，只揀選了幾款我覺得最出色的，包括石雕薄切及間八魚腩，魚味十足！廣田灣尾崎真蠔，鮮甜美味！毛蟹（配乾魚子醬）、松葉蟹配海膽魚子醬，乾魚子醬還是第一次見，見師傅會磨啲魚子醬落去配個蟹，提升蟹肉鮮味，另一款則加上蟹肉啫喱，多重口感，真心正！魚生後，便來一個熟食料理做間場，當晚的熟食是天婦羅（唔記得係咩魚），炸得鬆脆一啲都唔油！其實食埋個熟食，已經飽咗一大半，接下來還有壽司的部份。第一件是蝦壽司，師傅將蝦膏用火炙，再放上蝦蓉及甜
一進入餐廳，14代酒樽擺設很美觀，頗有日本feel，餐廳壽司bar以U形設計，空間感十足，唔需要坐得太迫，讚！
這裏晚餐omakase 有三個Menu，當天我和朋友選了$2,000大洋的「舍」，師傅說總共有23道菜，於是便決定用它來試一試此店的虛實。
第一款是三款前菜，包括白螺、蟹肉忌廉豆腐、培茶煮八爪魚。白螺好新鮮，蟹肉忌廉豆腐亦相當特別，但個人覺得奶味重咗啲。接下落嚟係魚生的部份，由於實在太多，只揀選了幾款我覺得最出色的，包括石雕薄切及間八魚腩，魚味十足！廣田灣尾崎真蠔，鮮甜美味！毛蟹（配乾魚子醬）、松葉蟹配海膽魚子醬，乾魚子醬還是第一次見，見師傅會磨啲魚子醬落去配個蟹，提升蟹肉鮮味，另一款則加上蟹肉啫喱，多重口感，真心正！
魚生後，便來一個熟食料理做間場，當晚的熟食是天婦羅（唔記得係咩魚），炸得鬆脆一啲都唔油！其實食埋個熟食，已經飽咗一大半，接下來還有壽司的部份。第一件是蝦壽司，師傅將蝦膏用火炙，再放上蝦蓉及甜蝦上，呢件壽司好食到癲！接下來是赤睦魚、赤身、中拖羅、北海道白海膽，全屬水準之作，其實食完壽司已經飽到唔可以再放嘢入肚，但最後還是敵不過toro手卷，睇住師傅將啲魚油滴落去啲飯，香氣撲鼻，邪惡到不行，但由於實在太好味，結果還是成條手卷食晒！最後我連生果雪糕都食唔落了。
總結：用餐環境非常舒適，$2000，我覺得成個餐對得住呢個價錢，食物非常新鮮而且特別，我覺得呢度並非一般傳統的omakase，反而更像是fusion菜式，充滿驚喜，絕對會介紹朋友來！
Toro手卷
1 views
0 likes
0 comments
Post
