Next Station Dessert (Closed)

今日妹妹想去next staton, 所以我就入左去啦。入到去，侍應已經即時俾餐牌，我地就即刻點芒果班戟和紫薯窩夫;五分鐘之內就上哂兩個甜品。由於個芒果班戟我無食，故此不作評論。紫薯窩夫有紫色的粉灑上面，個窩夫份量都算大份，而且上碟時食物都好熱;初時切旁邊的食，感覺無咩薯肉，窩夫好脆;食到中心有好多薯肉，薯味好豐富;呢個窩夫有楓糖和朱古力醬俾我地點嚟食，無咩味的地方就點兩個醬，開始多紫薯的地方就唔點，如果唔係，會破壞紫薯的味道。另外，熱情果乳酪飲落去好凍，可能今日天氣太凍令到自己體感温度太凍，飲完呢杯嘢覺得仲凍。乳酪質感好smooth, 但感覺偏酸。飲到熱情果的味道。座位方面，由於我身子矮小，變相咁高的檯會有吊腳情況出現。