Video
Read full review
2021-10-04
1648 views
揀左呢間中菜同兩位10月之星嘅家人慶祝生日，環境唔錯，免費泊車，訂位時俾埋車牌，不過落車就要上兩層行番去博覽館站出閘嗰邊至係餐廳嘅位置，如果搭機場快線會覺得行少好多，出閘再上個扶手電梯就係。.全場檯唔多，坐得舒服唔逼。我諗大家都明依家坐得唔逼又冇分兩輪甚至三輪嘅餐廳係幾咁難搵，去d一級戰區酒店食個過千嘅buffet都夠膽死分上下兩輪啦，唉。.訂左6:30pm，但奇怪嘅係準時入到去發現全場都已經坐好晒仲有d客已經食緊，貌似我6點25分到卻係全晚最遲嚟嘅客。於是乎：.鳳肝蜜汁金錢雞➡️賣晒化皮乳豬件➡️賣晒唯有叫支酒定下驚先我求其叫嘅，我唔識酒嘅，即場開個wine dictionary 出嚟睇到好似唔錯咁就嗌。但係我覺得呢度d酒好抵飲，個mark up比市區餐廳平三分一左右。.前菜叫左鮑魚，一人一舊。嫩，唔un，冇「銀」胃。我唔食蒜頭所以倒晒d蒜頭俾屋企人，不過屋企人話蒜頭好正，鮑魚仲正。再嚟係蟹蓋，啖啖蟹肉，一梳一梳咁好分明，唔會有醬呀cream呀嗰d嘮到一pat一pat咁，從肉質同紋路中蟹肉貌似、我希望、我覺得、我願意相信應該係自己拆嘅唔係罐頭嘅蟹肉。不過有dd洋蔥而我又唯一一個唔食洋蔥咁
.
全場檯唔多，坐得舒服唔逼。我諗大家都明依家坐得唔逼又冇分兩輪甚至三輪嘅餐廳係幾咁難搵，去d一級戰區酒店食個過千嘅buffet都夠膽死分上下兩輪啦，唉。
.
訂左6:30pm，但奇怪嘅係準時入到去發現全場都已經坐好晒仲有d客已經食緊，貌似我6點25分到卻係全晚最遲嚟嘅客。於是乎：
.
鳳肝蜜汁金錢雞➡️賣晒
化皮乳豬件➡️賣晒
唯有叫支酒定下驚先
22 views
0 likes
0 comments
我求其叫嘅，我唔識酒嘅，即場開個wine dictionary 出嚟睇到好似唔錯咁就嗌。但係我覺得呢度d酒好抵飲，個mark up比市區餐廳平三分一左右。
.
前菜叫左鮑魚，一人一舊。嫩，唔un，冇「銀」胃。我唔食蒜頭所以倒晒d蒜頭俾屋企人，不過屋企人話蒜頭好正，鮑魚仲正。
海鹽燒鮮鮑魚
$88
41 views
0 likes
0 comments
再嚟係蟹蓋，啖啖蟹肉，一梳一梳咁好分明，唔會有醬呀cream呀嗰d嘮到一pat一pat咁，從肉質同紋路中蟹肉貌似、我希望、我覺得、我願意相信應該係自己拆嘅唔係罐頭嘅蟹肉。不過有dd洋蔥而我又唯一一個唔食洋蔥咁要自己撩走，所以冇人理我全檯人都好enjoy。
金牌釀焗蟹蓋
$158
23 views
0 likes
0 comments
好食不過都係/米就係咕嚕肉嗰d囉，咁舊肉又真係炸得好脆好好味嘅，肉質lum滑，冇肥肉需要咬番出嚟。侍應都會溫馨提示襯熱食，我諗佢都係見到檯客有老人家影相要影10分鐘都唔俾人食所以非常好心咁暗示下襯熱食至好食咁。下面個碟係舊冰，受歡迎嘅竟然係肉下面d蕎頭同酸薑。
趣脆咕嚕肉
$198
36 views
0 likes
0 comments
琵琶豆腐，豆腐係清，不過都好惹味。最難得冇蔥冇蒜冇洋蔥冇我唔食嘅嘢，雖然係豆腐但係唔會lum bat bat。我地全家都唔鍾意清淡亦都唔鍾意出街食飯叫一碟清嘅青菜😂，呢個豆腐全晚最清㗎喇。
松茸翡翠琵琶煎豆腐
$168
29 views
0 likes
0 comments
牛肋肉好好食，lum得嚟入味有嚼勁但係唔係un咬唔開個隻，係炆到入晒味但係唔會梅梅嗰種口感。前面d雜菌襯埋個汁好惹味，個汁有d紅黃椒同埋sun dried tomato。（我唔係扮嘢但係我真心唔知究竟係點叫，太陽底下曬乾嘅番茄？番茄乾？咁上下）
呢個蟹肉伊麵老人家好喜歡，我覺得冇餸。雖然都係好食嘅，但係我會寧願點海鮮泡飯或者炒牛河。
鴻圖蟹肉燴伊麵
$238
24 views
0 likes
0 comments
甜品點左兩客「紫澐夢境」同一個焗西米布甸，壽包係餐廳送嘅，甜品上面嘅生日朱古力牌係之前同佢講好嘅。個夢境裡面係有一個栗子creme brulee同埋一舊紫薯薑雪糕，雪糕特別，creme brulee我覺得太淡，無論甜味同埋個brulee嘅濃郁度都好麻麻，不過人人都話要健康健康我諗呢個唔好食嘅甜品應該係大眾口味呱，我就唔得喇。西米布甸就非常好食，壽包就咁細個都居然有一粒仔蛋黃，驚喜左。
download awe app 有優惠，去到先問下經理侍應。全場侍應好多好殷勤又好幫手，提我地襯熱食，又會提我地影全家福順便幫手揸機；冇嘢做嘅侍應行過會自己睇你有咩需要。服務俾個讚佢。
.
瑕疵梗有，例如我去之前响官網好仔細咁睇過一次個餐牌，發現自己想食嘅嘢冇嘢需要預訂所以就冇訂，咁我冇心理準備6點幾去到有兩三樣嘢會賣晒。限量發售嘅嘢其實都可以之前俾個客知道嘅。不過真心無咩所謂啦，去多次囉唯有，咁下次識得留定d嘢。
.
同埋有興趣真係book張窗口檯早d去睇埋日落，應該好正。我就係傻仔左諗到book窗口檯但係忘記左日落呢回事，搞到去到天都7成黑坐多10分鐘個窗馬上倒影番餐廳內部。
Post
