Video
Read full review
2021-11-08
867 views
話說去見客，腦細提議去人潔地靈嘅戲曲中心，當中有間中菜館，我以為貪佢夠靚裝潢又靜方便講嘢，點知食物質素咁好，真心可以再去嘅一間餐館😋。1️⃣2️⃣1️⃣5️⃣ 商務時間陳皮叉燒酥 - 咬一啖燙到脷，忍住免出醜，全因好好食😋皮鬆化肉多蜜汁好好食。燒賣 - 足料，點辣油醬好食。蝦餃 - 足料，皮薄。叉燒包 - 正常。紅燒潮州中鮑翅 - 滿有排場，碗下有火暖住，翅多夠濃味，食完已好飽。沙爹牛肉炒河 - 好火氣，醬汁濃，好食，但驚太肥膩肚痛😋。蝦子炆柚皮煲 - 其實好清新，咬感唔似柚子，蝦子味好香，不過太飽，食唔哂。荔芋鴨 - 我覺得全場最好食！真心炸芋皮唔厚，食正鴨香，點甜醬更加美味，好喜歡💕
話說去見客，腦細提議去人潔地靈嘅戲曲中心，當中有間中菜館，我以為貪佢夠靚裝潢又靜方便講嘢，點知食物質素咁好，真心可以再去嘅一間餐館😋。
1️⃣2️⃣1️⃣5️⃣ 商務時間
陳皮叉燒酥 - 咬一啖燙到脷，忍住免出醜，全因好好食😋皮鬆化肉多蜜汁好好食。
燒賣 - 足料，點辣油醬好食。
蝦餃 - 足料，皮薄。
叉燒包 - 正常。
紅燒潮州中鮑翅 - 滿有排場，碗下有火暖住，翅多夠濃味，食完已好飽。
沙爹牛肉炒河 - 好火氣，醬汁濃，好食，但驚太肥膩肚痛😋。
蝦子炆柚皮煲 - 其實好清新，咬感唔似柚子，蝦子味好香，不過太飽，食唔哂。
荔芋鴨 - 我覺得全場最好食！真心炸芋皮唔厚，食正鴨香，點甜醬更加美味，好喜歡💕
Post