Starò

Open Now

Now Closed

之前已經喺網上見到好多人介紹呢間以星空為主題嘅人氣餐廳好想去, 今日朋友生日特登約佢去呢間靚靚餐廳打卡慶祝下。 餐廳位於尖沙咀諾士佛臺， 地鐵站行過去都只係五分鐘交通好方便。 到餐廳門口已經見到裝修好靚， 播住輕音樂好有格調， 入到餐廳入面天花板佈滿各樣星球，半圓形星座卡座 靚到癲 ，今晚 簡直係視覺與味覺最高饗宴。蕃茄流心水牛芝士沙律：新鮮嘅水牛芝士奶香味十分重，配上番茄同黑醋口感清新。香辣蒜香鮮大蝦意粉： 辣味十足，意粉軟硬度適中， 醬汁好嘢味，兩隻大蝦啖啖肉新鮮彈牙。火焰四色芝士手工薄餅 ：Pizza先會燃點火焰，嚟個視覺嘅享受， 在品嚐四色芝士pizza嘅美味。星空蛋糕：生日嘅朋友真係要嚟試下呢間餐廳嘅星空蛋糕， 滿滿嘅儀式感， 打卡靚， 蛋糕嘅質素都好高， 朱古力mousse蛋糕 味道濃郁中間隔著雜莓等配料， 唔會太甜好啱我口味。