惠 (Closed)

男朋友生日，就梗係要帶佢去食好嘢㗎啦！諗到生日嘅活動最好不過就一定係食壽司啦，於是就喺OpenRice搵吓睇吓有啲乜嘢餐廳好介紹！最後就揀咗呢一間位於灣仔嘅惠！獎勵一下佢帶佢食omakase啦✌🏻午市嘅套餐最主要有兩款選擇，我自己今次就揀咗呢一款有12件壽司嘅套餐！另外仲包括左有前菜，湯，甜品！非常豐富❤️最吸引嘅莫過於就係呢一個海膽壽司！呢一度嘅海膽真係非常鮮甜，擺入口嘅時候有一種溶喺口腔嘅感覺！然後慢慢就會滲咗海膽嘅鮮味出嚟！真係好正，仲要係非常之Creamy！！男朋友對今次嘅生日飯都非常之滿意，期待下次都要過嚟試吓呢度食夜晚先得！