惠 (Closed)

最中意廚師發辦是因為有滿滿驚喜，亦可以增長知識，因為廚師各自有自己喜歡的食材與做法。門口已經好有日本感覺，餐廳環境好靚，擺設同設計都好特別。座位空間都闊落。午市套餐有兩款價錢選擇，今日試左壽司十二貫套餐。包括前菜，茶碗蒸，汁物，甜品。個人最中意既係墨魚，牡丹蝦，深海池魚。墨魚本身已經好新鮮，加上海鹽，柚子皮碎，口感鮮味帶點柚子既清香。牡丹蝦好鮮甜，好肥美爽口。深海池魚口感爽脆嫩滑，肉質細緻帶油份，好鮮甜。舒服既環境加埋食材新鮮高質，身心靈都好滿足呀！