芭堤雅泰國餐館

Open Now

Now Closed

最近試咗間泰國菜，有幾道菜真係幾有驚喜。——————🐽 鬆脆炸五花腩肥瘦層次分明，外皮炸到金黃卜卜脆，咬落去有「咔啦」聲，油香滲出嚟但唔會膩口，蘸少少酸辣醬更加醒胃，係送啤酒一流嘅小食🐽 飛天炒通菜夠鑊氣菜莖保持爽脆，菜葉掛滿蝦醬鹹香，仲有少少辣椒碎吊味，唔會鹹到搶喉。唯一挑剔係份量細咗啲，兩個人夾幾筷就清碟🐽 干炒泰式河粉河粉炒得乾身唔油，蛋絲同豆腐乾碎撈埋花生碎，甜酸味平衡得幾好。蝦肉爽口，但嫌佢得兩隻唔夠喉🐽 泰式華田香蕉煎餅熱辣辣嘅手抓餅皮薄脆，夾住半融香蕉同煉奶，面頭灑滿阿華田粉，甜味濃得嚟有麥香。配一球椰子雪糕，冰火交融幾過癮，不過雪糕椰奶味可以再重手啲