Video
Read full review
2021-04-11
306 views
作為Openrice 既用家，我一直都只係用佢黎訂台/揀餐廳，但今次我決定要獻出第一次，同大家分享下喺呢度既美味體驗😋今日同女朋友去元朗一日遊，而我本身都喺元朗返工，對呢間台灣餐廳早有聽聞，之前既我只係試過外賣佢既仙草芋圓返屋企，今次就決左襯呢個機會，同女朋友試下堂食其他菜式啦～今日係10/4/21星期六，我地都預計會好多人等位，好彩，我地夜晚7:45到餐廳，雖然滿座，但無人等位，我地拎左飛後，因為本身已經太肚餓，同太期待，所以我地一路等已經一路諗起食咩野，最後等左10分鐘終於到我地喇😍由於我地實在太中意台灣菜既關係，我地一口氣叫左5樣菜式，包括：1）必食推介***鹽酥拼盤鹵肉飯***✅包括鹽酥一口雞、蝦卷、香芋海鮮餅、鹵肉飯✅鹽酥雞香脆，有雞味，要襯熱食✅蝦卷既蝦份量唔小，仲有蝦既鮮香味✅香芋海鮮餅有驚喜，陣牙之餘味道好豐富✅鹵肉飯既肉粒肥瘦適中，加埋豆卜，有多一重口感，鹵汁同油完全滲哂入每一粒飯粒，成碗飯唔配拼盤一樣好食❎隨碟附上既辣椒醬偏鹹，唔點佢反而更原汁原味2）***古早味炸雞卷***✅明顯睇到雞肉份量超過一半，整體口感彈牙，表面香脆，口感一流❎同樣地，辣椒醬偏鹹，唔點更好3
今日同女朋友去元朗一日遊，而我本身都喺元朗返工，對呢間台灣餐廳早有聽聞，之前既我只係試過外賣佢既仙草芋圓返屋企，今次就決左襯呢個機會，同女朋友試下堂食其他菜式啦～
今日係10/4/21星期六，我地都預計會好多人等位，好彩，我地夜晚7:45到餐廳，雖然滿座，但無人等位，我地拎左飛後，因為本身已經太肚餓，同太期待，所以我地一路等已經一路諗起食咩野，最後等左10分鐘終於到我地喇😍
由於我地實在太中意台灣菜既關係，我地一口氣叫左5樣菜式，包括：
1）
鹽酥拼盤鹵肉飯
8 views
0 likes
0 comments
鹽酥拼盤鹵肉飯
5 views
0 likes
0 comments
必食推介
***鹽酥拼盤鹵肉飯***
✅包括鹽酥一口雞、蝦卷、香芋海鮮餅、鹵肉飯
✅鹽酥雞香脆，有雞味，要襯熱食
✅蝦卷既蝦份量唔小，仲有蝦既鮮香味
✅香芋海鮮餅有驚喜，陣牙之餘味道好豐富
✅鹵肉飯既肉粒肥瘦適中，加埋豆卜，有多一重口感，鹵汁同油完全滲哂入每一粒飯粒，成碗飯唔配拼盤一樣好食
❎隨碟附上既辣椒醬偏鹹，唔點佢反而更原汁原味
2）
古早炸雞卷
20 views
0 likes
0 comments
***古早味炸雞卷***
✅明顯睇到雞肉份量超過一半，整體口感彈牙，表面香脆，口感一流
❎同樣地，辣椒醬偏鹹，唔點更好
3)
台灣牛肉湯麵(手工麵線)
22 views
0 likes
0 comments
必食推介
***台灣牛肉湯面***
✅餐牌寫住麵係手工麵線，咬落彈牙唔易斷
✅牛肉切到大約一個拇指手指頭大既size，大約有7-8舊，牛肉滷到好香，入口即溶
✅湯底係最吸引之處，唔識點形容，只可以話完全係喺台灣地道牛肉麵湯底既味道，雖然表面有油脂，但我同女朋友差唔多飲哂成碗湯底😂
✅流心蛋屬正常水平，蛋黃熟既程度控制得好好
4）
肉鬆芋泥吐司
9 views
0 likes
0 comments
***肉鬆芋泥吐司***
✅喺台灣有肉鬆配搭既食物一向都吸引，呢個芋泥吐司份量岩岩好，麵包烘得好脆口，肉鬆屬正常水平，要襯熱食
❎芋泥既味道偏淡，俾肉鬆既鹹味掩蓋左
❎睇餐牌既圖，肉鬆同芋泥既比例係各佔一半，但實際上，肉鬆佔左7成，芋泥只佔3成，而且肉鬆芋泥喺吐司入面既分佈唔太平均，影響口感同味道層次感
5）
冬瓜珍珠
7 views
0 likes
0 comments
***冬瓜珍珠***
✅冬瓜茶味道恰度好處，唔會太甜
✅有黑白兩隻色既珍珠，口感彈牙唔會散，正常水平
總括黎講，我地呢次總共叫左4款菜式+1杯冬瓜珍珠+1杯冬瓜珍珠，埋單$263水。
雖然我地對吐司有少許失望，但我地都對呢間餐廳既台灣風味有唔錯既評價，下次絕對會再返轉頭幫襯。最後附上幾張餐廳室內環境俾大家：
Post
