朝花夕拾 (Closed)

唔記得左朋友仔嘅生日, 要搵間靚嘅餐廳氹番佢先得啦!!! 呢間應該得啦掛, 睇到個門口都開心裡面都好多花架!我揀左呢個二人餐前菜: 分子乳酪蕃茄啫喱沙律醋味啫喱+兩粒好似石卵咁嘅乳酪, 唔洗擔心, 係軟嘅, 好清新繼續前菜: 蟹膏味噌冷豆腐呢個有啲失望, 因為睇menu 嘅時候, 係成磚豆腐都黑色嘅, 原來圖片只借參考。 不過加埋蟹肉, 味道好鮮重點小食: 煙燻北海道帶子, 好神秘擺碟好靚其實我地食食下, 都唔記得咗個餐有咩食, 所以望咗好耐, 係度估係唔係蕃薯? 魷魚餅? 一擺落口 好香煙燻味! 燻到表層好煙韌, 裡面軟軟。 帶子裡面都好夠味! 原來帶子可以煮到咁! 好surprise!如果訂座時訂埋個餐, 呢壼茶就係送嘅。 不過宜家都有半價係複方茶- 蘋果花,檸檬,馬鞭草少少檸檬香, 都幾清香好在店員提意我地叫一壺兩個人飲, 如果唔係我地傻傻咁叫兩壼呢個應該係傳說中嘅桂花炸雞, 睇番menu 個餐好似冇, 定係menu 改唔切呢?! er... 唔知呢~ 脆得黎又唔膩, 好味! 洛神櫻花昆布牛肉卷em... 有待改進冇洛神花嘅酸味, 冇櫻花嘅香味, 昆布唔係好覺, 裡面洋蔥多。