Video
Read full review
2022-06-07
1146 views
今日喺土瓜灣睇完醫生，呢頭有好多餐廳，所以就決定喺度買埋嘢食先返屋企。其中北帝街轉角位間「茶舍」門面幾靚喎，有小清新嘅感覺🌿。開頭以為佢係裝修靚啲嘅港式茶餐廳，但又唔係啵，佢係新派嘅西式冰室✨，提供嘅食物款式涵蓋意粉、薄餅、牛角包、蛋包飯同焗飯等。如果想食鑊氣小菜或炒粉麵就要稍移玉步啊🙈。冬陰功雞肉披薩($68)，原本對只售60幾蚊嘅Pizza無咩期望，但出到嚟超有驚喜🍕😍。薄餅直徑大約十吋，餅底薄脆得嚟又唔似餅乾咁乾噌噌，有啲質感。不過最令我歡喜嘅係餡料層，佢仲厚過塊餅皮，勁足料！🧀芝士濃香，富有拉絲效果，另外仲有菠蘿同火箭菜。冬陰功味亦係精華所在，辣度同酸味明顯，絕對能刺激味蕾。鮮蜆白酒煙肉蒜香天使麵($65)，🍝天使麵又係惹味之作，蒜香十足，即使無落醬汁，但麵條仍然夠晒油份，一啲都唔乾身。幼身嘅天使麵麵質彈牙，比起普通意粉好食得多。配料方面，蜆就屬正常水平啦，始終偏細隻。除此之外，仲有好多煙肉🥓同雜菌🍄，基本上啖啖都食到餸。Pasta嘅質素不比正宗西餐廳遜色。南瓜野菌皇烤雞意大利飯($62)，🍚Risotto份量激多，佢用呢個圓兜裝，仲要塞到勁滿添！我略嫌意大利飯口感濕少少，但南
今日喺土瓜灣睇完醫生，呢頭有好多餐廳，所以就決定喺度買埋嘢食先返屋企。其中北帝街轉角位間「茶舍」門面幾靚喎，有小清新嘅感覺🌿。
開頭以為佢係裝修靚啲嘅港式茶餐廳，但又唔係啵，佢係新派嘅西式冰室✨，提供嘅食物款式涵蓋意粉、薄餅、牛角包、蛋包飯同焗飯等。如果想食鑊氣小菜或炒粉麵就要稍移玉步啊🙈。
冬陰功雞肉披薩
$68
42 views
0 likes
0 comments
鮮蜆白酒煙肉蒜香天使麵
$65
39 views
1 likes
0 comments
南瓜野菌皇烤雞意大利飯($62)，🍚Risotto份量激多，佢用呢個圓兜裝，仲要塞到勁滿添！我略嫌意大利飯口感濕少少，但南瓜味唔錯🎃，中間又落咗唔少香菇、蘿蔔同粟米粒，不過最估唔到竟然係有陣陣芫荽香。🐔雞肉有好多件，肉質細滑。三樣食物之中，佢算係較為淡味，但份量最多。
每個餐都包飲品，熱飲唔使加錢🔥。我要咗熱奶茶、熱華田同熱杏霜，味道上冇乜好形容。不過抵讚嘅係味道夠濃郁，出手唔孤寒。
餐廳門口擺放咗個甜品櫃；佢亦有賣冷泡茶同特調飲品🥤。題外話，店員們幾有禮貌！
總括嚟講，呢間餐廳帶比我滿滿驚喜，食物出品有水準😋。開頭諗住價錢平平哋，應該係港式西餐之流，點知係色香味俱全之作，而且份量又夠多，其實三份餐都夠四個人食。下次經過我都會再幫襯啊！
Post
