稻埕飯店 (V Point) (Closed)

之前lunch食過稻埕飯店，今次約埋好姐妹去晚飯，因為上次睇倒滿滿骨膠原豬手好吸引！ 餐廳地點喺熱鬧嘅登龍街，座落地庫面積有成層咁大，裝潢以新派台式餐廳風格，餐牌主打台灣古早風味！最吸引我嘅就係豬手，仲有台式白滷水系列、台式小食、台式飲品同甜品等，樣樣都好吸引！🍖滿滿骨膠原豬手 $98 滿滿一碟豬手，啖啖都充滿骨膠原～ 口感煙韌，味道香濃，醬汁微甜炆得好淋好入味，厚厚骨膠原下面嘅豬肉都軟嫩無比！好精彩！🥣薑母黑麻油雞湯 $95天氣涼涼地飲好暖胃，除左好滋保仲有成半隻雞肉，配料有黑麻油同薑，飲完成身暖哂，雞肉煲完都好嫩滑，仲好飽肚！🍞胡椒三星蔥肉包 $55/3個 煎到薄脆嘅底層配上層軟綿綿嘅包，咬開有一陣香蔥味，仲有微辣嘅口感，香口嘅豬肉同包嘅比例好好又唔會太乾身！推介！ 🍮桂圓紅棗杞子芋圓湯圓滋陰嘅糖水，有濃濃嘅桂花同桂圓味，仲有我至愛芝麻餡湯圓同芋圓，配料有紅棗、杞子等！大滿足！🥤最後飲品點左水果茶🍉同綠茶奶蓋🍵，兩杯都好有水準！