滿記甜品 De Avenue (Closed)

同朋友諗住去食甜品，行行下見到呢間裝修得唔錯，先發現原來係滿記。但裝修高級左靚左，成個隔局同平時既滿記好唔同。除左甜品之外，都有正餐可以食，例如意粉、pizza等等。見舖頭入面唔太多人，所以就決定試下。芝麻糊豆腐花係一半凍一半熱，豆腐花幾滑，但略嫌冇咩豆味，而芝麻亦唔算好香，整體一般。熱蓮子陳皮紅豆沙就係正常紅豆沙，不算太突出。個人就比較欣賞黑糯米甜甜，黑糯米幾有咬口，甜甜地咁。整體味道普普通通，但勝在環境坐得舒服，最啱同朋友行完街坐底食個糖水休息下。