Applegreen (Closed)

元朗呢個商場平日夜晚都算係幾少人，可以慢慢喺度食，唔怕會嘈同埋迫！佢平日有個二人set好肚餓嘅時候食，有餐湯、前菜、主菜同埋飲品。叫左一個二人set，前菜叫左個沙律同埋柚子雞翼。沙律無咩特別，係正常野。個雞翼係柚子蜜味，隻雞翼已經開左一半，方便用叉食。佢係先炸左再淋d汁上面嘅，酸酸甜甜咁，幾開胃！主菜叫左個蜜瓜火腿pizza，個配搭好清新wor！個pizza好似好大塊，不過佢係薄身嘅pizza，有d似餅乾，兩個人食都可以輕易食得晒，唔會話好膩！另外叫左卡邦尼飯，呢個heavy d。食埋已經好飽。偶爾一餐半餐想食飽d過來滿足下都唔錯㗎！