花園餐廳 (金百利廣場)

Open Now

Now Closed

來到銅鑼灣搵食，行到金百利有成幾百萬間餐廳係度派傳單引你上去，花多眼亂 @_@ 最後大家都話想剧扒，但又冇錢喎，所以就去左4樓既花園餐廳...完全唔駛等，一入去就有位，仲要係仲有好多空位個隻。話明想剧扒就當然唔揀d咩雙拼呀雜扒呀個d啦，所以就咁叫左個西冷牛扒，六成熟。先來個白湯，唔好飲，麵粉味好重。餐包好細...而且有少少乾。不過來既目的都係為塊扒，所以都冇咩所謂。主角出場啦! 揀左蒜蓉汁，"ja"落去個鐵板個時已經聞到陣香味! 個牛扒唔錯喎，普通size不過都幾厚。都有牛肉味，唔太林，唔錯唔錯! 而且真係六成熟! 唔係頂級貨色，不過用80蚊可以滿足到剧扒既慾望，都食得好開心!朋友叫做個雞扒拼蒜蓉大蝦...個雞扒好食好大塊! 冇試個大蝦不過睇落好靚。另一位朋友則叫左個三拼(即牛柳、半隻乳鴒同一隻蝦)...雖然只係$75不過唔係好掂。牛柳好細塊唔好食，乳鴒其實係隻老鴒，而隻蝦同朋友A隻蒜蓉大蝦係另一回事，醜樣好多，叫唔過。最後飲左個凍檸水....好甜呀!!! 朋友杯0T都係咁...甜都飲唔落個隻...都算係滿足的一餐。如果唔係d扒以外既野好差，都可能畀笑臉。