蔵鳶居酒屋

Open Now

Now Closed

近排日日食茶記，想轉下口味去食餐日本料理，友人介紹這閒「藏鳶」給我，說食材質素不錯，今日一於去試試。食店內裝潢佈置好有日本風情，坐在吧檯內，見到師傅用心製作，不但賞心悅目還對我點下的刺生井定食甚有信心。日本馬糞海膽赤蝦丼定食，包括有沙律、前菜、麵豉湯、茶碗蒸和刺生丼。沙律新鮮爽脆，前菜是合桃魚乾仔，甜甜地又帶點咸香，麵豉湯濃淡適中，茶碗蒸蛋香十足又嫩滑，頂部還淋上一層昆布醬汁，令到味道更清新。經師傅悉心的製作，將多款刺生滿在飽滿珍珠飯上，當中有，一板甘香鮮味又大片的馬糞海膽，大大隻新鮮黏口赤蝦刺生，粒粒飽滿又鮮味的三文魚子，棉蜜肥美的吞拿魚蓉，油潤嫩滑的三文魚刺身，將全部食材混成一體一起放入口中，真係完美的組合。和牛烏冬定食，同樣有沙律、前菜、茶碗蒸。和牛烏冬送上檯時，和牛肉片還帶粉紅色，我都急不及待要起動筷子，不想因湯的熱力燙得過熟變成粗硬。嚐一口後，轉眼間嫩滑的和牛片已滑入喉嚨內，真係好味，再來食一口浸在湯中的烏冬，口感煙韌，吸收了和牛油香和湯的鮮甜，真係好食到忘形。這一頓午餐，真係令我有回到日本遊行時嚐到的感覺，心情都好起來。