Video
Read full review
2022-12-22
217 views
日式速食燒肉店，一人一客，一人一個爐，有平有貴，最低價好似係「$48激安套餐-美國牛胸腹100g」。而筆者揀咗個「$88美國牛板腱+美國封門柳 套餐」，包含兩款牛肉、一碗白飯，前菜係枝豆或羽衣甘藍，仲有一杯清水💧，汽水額外加$12。坦白講，對於麻甩佬而言，呢個份量勉強稱得上啱啱好。之所以能夠勉強啱啱好，最主要原因係碗白飯。相信店家都知道份量不足呢個問題，所以碗飯，佢一早預設咗三個size畀啲客揀：100g、200g、300g。筆者二話不說食碗300g，出街食lunch要靠白飯填飽自己，都係個幾特別體驗。當然，對於靚女們嚟講份量應該足夠，皆因筆者留意到現場女食客數目比較多。可能真係關個份量事，唔夠食咪少啲男士幫襯囉。呢個情況都有個好處，由於餐廳座位佈局係一字排開並肩而坐，而且座位與座位之間冇隔板，換言之毒L一人去食，係個識吓女仔嘅好機會，咁兩、三日後就唔使再唱陳奕迅《Lonely Christmas》。味道方面，啲肉對得起價錢，唔會榎歰歰(音：鞋霎霎)，亦唔係一早醃到好重口味𠴱種，就算唔點醬汁都食得出有少少牛味，點咗就惹味多少少，加上個醬汁架就喺手邊，座底有十款醬汁任你自由搭配，總能夠符
日式速食燒肉店，一人一客，一人一個爐，有平有貴，最低價好似係「$48激安套餐-美國牛胸腹100g」。而筆者揀咗個「$88美國牛板腱+美國封門柳 套餐」，包含兩款牛肉、一碗白飯，前菜係枝豆或羽衣甘藍，仲有一杯清水💧，汽水額外加$12。
坦白講，對於麻甩佬而言，呢個份量勉強稱得上啱啱好。之所以能夠勉強啱啱好，最主要原因係碗白飯。相信店家都知道份量不足呢個問題，所以碗飯，佢一早預設咗三個size畀啲客揀：100g、200g、300g。筆者二話不說食碗300g，出街食lunch要靠白飯填飽自己，都係個幾特別體驗。
當然，對於靚女們嚟講份量應該足夠，皆因筆者留意到現場女食客數目比較多。可能真係關個份量事，唔夠食咪少啲男士幫襯囉。呢個情況都有個好處，由於餐廳座位佈局係一字排開並肩而坐，而且座位與座位之間冇隔板，換言之毒L一人去食，係個識吓女仔嘅好機會，咁兩、三日後就唔使再唱陳奕迅《Lonely Christmas》。
味道方面，啲肉對得起價錢，唔會榎歰歰(音：鞋霎霎)，亦唔係一早醃到好重口味𠴱種，就算唔點醬汁都食得出有少少牛味，點咗就惹味多少少，加上個醬汁架就喺手邊，座底有十款醬汁任你自由搭配，總能夠符合你口味。
前菜，筆者揀咗羽衣甘藍，即係圖入面萬綠叢中一點紅𠴱碗，記得要加芝麻醬，如果唔係就好似老牛嚼乾草咁，好難入口。
總結，質素有如希崎潔西卡，整體予人感覺好聽就中規中矩，冇咁好聽就平平冇奇。冇咩差，同時又冇咩突出，能夠滿足你基本要求，但畀唔到驚喜你，認真係好又一餐，唔好又一餐。
美國牛板腱及美國封門柳餐
$88
10 views
0 likes
0 comments
14 views
0 likes
0 comments
Post
