Video
Read full review
2020-07-05
1660 views
今日去Aeon 行街買野順便去民泰街搵食，點知比好朋友見到對面馬路有間餐廳門面裝修幾靚，八八掛掛走睇下發覺原來係間韓式蒸氣煱同串燒放題。天氣咁熱，原本有點怕餐廳冷氣唔夠就熱上加熱，蒸海鮮變左蒸自己...行到門口望下，見雖然人多，但冷氣都好夠，而且每張枱座位都好闊落，唔會迫埋一齊，門口仲放左幾盤鮮蜆，睇落都幾吸引，兩個就忍唔住轉軚。坐低後店員好好禮貌又好用心慢慢講解點樣食，店鋪仲提供埋計時用既漏斗，非常貼心。我哋今日點左呢個弦益蒸鍋套餐，有三款海鮮同埋任食新鮮蜆同蝦，仲有燒肉、串燒、炸物等等再加個自選粥底！揀好粥底，侍應就去幫你準備海鮮塔，當中包括有兩隻帶子，半邊龍蝦兩份，同鮑魚兩隻！仲有自家種茄子！見到都流晒口水！等待食物蒸熟嘅時間就可以慢慢揀下其他熟食，選擇都好多㗎，同時當然可以爭取時間出去攞新鮮蜆食啦！門口位置擺放左幾款唔同嘅蜆類，分別有蕃薯蜆、沙白等等，蒸幾分鐘開咗殼就食得！眨眼間10分鐘已經過去，一揭開蓋，迷矇嘅蒸氣之中見到帶子已經熟透，夾起點少少醋同辣醬，食到帶子嘅鮮甜，而且夠厚肉有咬感！龍蝦肉肉質爽彈：不過我最鍾意都係鮑魚！最鮮甜味美！跟住就蒸蜆嘞，咁岩呢個時間就有熟食到！
天氣咁熱，原本有點怕餐廳冷氣唔夠就熱上加熱，蒸海鮮變左蒸自己...行到門口望下，見雖然人多，但冷氣都好夠，而且每張枱座位都好闊落，唔會迫埋一齊，門口仲放左幾盤鮮蜆，睇落都幾吸引，兩個就忍唔住轉軚。
坐低後店員好好禮貌又好用心慢慢講解點樣食，店鋪仲提供埋計時用既漏斗，非常貼心。
我哋今日點左呢個弦益蒸鍋套餐，有三款海鮮同埋任食新鮮蜆同蝦，仲有燒肉、串燒、炸物等等再加個自選粥底！揀好粥底，侍應就去幫你準備海鮮塔，當中包括有兩隻帶子，半邊龍蝦兩份，同鮑魚兩隻！仲有自家種茄子！見到都流晒口水！
等待食物蒸熟嘅時間就可以慢慢揀下其他熟食，選擇都好多㗎，同時當然可以爭取時間出去攞新鮮蜆食啦！門口位置擺放左幾款唔同嘅蜆類，分別有蕃薯蜆、沙白等等，蒸幾分鐘開咗殼就食得！
眨眼間10分鐘已經過去，一揭開蓋，迷矇嘅蒸氣之中見到帶子已經熟透，夾起點少少醋同辣醬，食到帶子嘅鮮甜，而且夠厚肉有咬感！龍蝦肉肉質爽彈：不過我最鍾意都係鮑魚！最鮮甜味美！
跟住就蒸蜆嘞，咁岩呢個時間就有熟食到！個韓式燒雞扒烤得又香口又嫩，超好味！串燒火喉控制都非常之好，唔會燒得太乾，鍾意食韓式食物嘅朋友必點！
食完熟食又再開蓋，啲蜆已經蒸好！不停食，真係好忙啊!見到咁多蜆肉任食真係超開心，食完一轉轉頭又再去拎！
除咗放題之外，只要加$12就有汽水任飲，出邊餐廳一罐都唔止呢個價錢！！又或者加$38就有酒類任飲，除咗啤酒之外仲有清酒添！
食到咁上下有啲飽滯，食返豬骨碗粥舒緩下就最啱，粥底已經煲左好一段時間，夠晒味，仲爆曬花軟綿綿，鍾意嘅再加啲蝦肉或者蜆肉落去，更加鮮味呢！
準備埋單嘅時候先發覺原來仲有個甜品布甸椰皇子，上層係炒過嘅椰絲，入口嘅時候有重重嘅嘢香味，下層係香濃嘅椰汁糕，雖然不斷嗌飽，但最後都我可以成個K.O.！佢嘅椰香味真係令我無法抗拒！！
成晚食咗好多款唔同食物，好滿足，店員清枱又主動，食都食得舒服d！讚！
Post
