忌諱

Open Now

Now Closed

同事食lunch又係好西時間，今日黎到Taboo，明顯係間夜晚用黎睇波飲酒既吧，但lunch set 又高質喎！樓面lunch time 得兩個人，落單上菜都要等好耐呀🙈 又漏單，不過野食好就加返啲分啦。羅宋湯質地係稀既，但好香蕃茄味，香草都落左好多，開胃！餐包又熱辣辣又軟熟，好好味 👏🏻同事話食過羊肉好好味，但我今日想食啲白肉，見到個薯蓉又覺得好吸引，所以揀左魚。清清地，露筍好嫩冇根，舊魚都幾有口感，冇煮到林晒咁，薯蓉好滑 👍🏻羊肉三舊份量都幾多，下面有大量蔬菜墊底，不錯哦！甜品係套戲包埋，朱古力蛋糕好味呀，係面果層醬甜啲，成舊整體唔錯，為西餐畫上完美句號。