友義氣‧酸菜魚

Open Now

Now Closed

呢間主打川菜嘅餐廳絕對會一試難忘。除左招牌水煮魚同酸菜魚之外，仲有特色小炒，啱曬一家大細。座落銅鑼灣百金利大廈，地址一啲都唔難搵。座位都好舒適，員工服務態度一流。會問你食唔食到辣，再比建議你選擇辣道。亦會推薦菜式，令選擇困難症嘅朋友少樣煩惱。招牌酸菜魚賣相已經令人食指大動，酸辣嘅香氣更加開胃。魚片數量多，而且每塊都厚肉。食落十分嫩滑，一啲都唔粗輆。軟得黎又有咬口，食得出用料新鮮。椒麻味道適中，唔會蓋過酸辣嘅味道，魚肉係酸麻嘅配搭之下更顯鮮味。配料有荳芽同寬粉，唔嗌白飯都絕對飽肚。寬粉唔會太靭，吸滿濃濃嘅湯汁，軟滑又飽肚。想食好味嘅酸菜魚絕對唔可以錯過。 黃金軟殻蟹價錢同份量絕對成正比，而且金黃色嘅賣相真係十分吸引。咸蛋黃包得十分均勻，炸粉基本上食唔出。蟹肉咬落去竟然會爆汁，仲係啖啖肉。咸香嘅外皮，加上蟹嘅鮮味令我完全停唔到手。絕對係有意外驚喜嘅一道菜式。