Video
Read full review
2016-07-29
338 views
星期六約左係銅鑼灣工作既朋友食飯聚一聚,佢提議去食西餐,我當然話好啦,之後佢就帶我去呢間餐廳食SET LUNCH,一去到門口見個環境好似好高級咁,心諗應該消費都幾貴下,但一睇到個餐牌就令人滿心一笑,$130左右就有個SET LUNCH. 而且重點係環境舒適,可以休閒地食個LUNCH Pacific Rock:體積較大, 口感有少許creamy,海水味較淡 ,肉質肥美,食落啖啖肉,好有滿足感.Isabella:體積較細,海水味較重,食落口感滑溜溜,好鮮甜.西班牙黑毛豬火腿伴水牛芝士:火腿味道香鹹中帶有甘香,配埋淡味既水牛芝士和帶少少甜既秘製醬汁,比平時食既味道層次更為不同.黑松露什菌忌廉湯:一上黎那股黑松露味道已經好香好吸引,睇得出用料十足,每一啖都食到到什菌幼粒,而且菌味好濃郁,配埋香脆既蒜蓉包,真係值回票價.時令海鮮:店員話每日都會準備唔同既新鮮既海鮮,今日係大蝦&帶子,大蝦好大隻,好爽口,帶子微微煎香,好厚身,肉質嫩滑,白豆微硬,蔬菜煮到剛剛好,唔會太老.燒西班牙無骨黑豚扒配西梅汁:呢道係我最為欣賞既菜,份量十足,黑豚肉帶少少脂肪,肉質鮮嫩,咬落好多肉汁,配埋西梅汁酸酸甜甜,更加開
Pacific Rock:體積較大, 口感有少許creamy,海水味較淡 ,肉質肥美,食落啖啖肉,好有滿足感.Isabella:體積較細,海水味較重,食落口感滑溜溜,好鮮甜.
西班牙黑毛豬火腿伴水牛芝士:火腿味道香鹹中帶有甘香,配埋淡味既水牛芝士和帶少少甜既秘製醬汁,比平時食既味道層次更為不同.
黑松露什菌忌廉湯:一上黎那股黑松露味道已經好香好吸引,睇得出用料十足,每一啖都食到到什菌幼粒,而且菌味好濃郁,配埋香脆既蒜蓉包,真係值回票價.
時令海鮮:店員話每日都會準備唔同既新鮮既海鮮,今日係大蝦&帶子,大蝦好大隻,好爽口,帶子微微煎香,好厚身,肉質嫩滑,白豆微硬,蔬菜煮到剛剛好,唔會太老.
燒西班牙無骨黑豚扒配西梅汁:呢道係我最為欣賞既菜,份量十足,黑豚肉帶少少脂肪,肉質鮮嫩,咬落好多肉汁,配埋西梅汁酸酸甜甜,更加開胃,另可點少少玫瑰鹽,增添咸香,令口感層次更為突出,絕對物有所值.
是日甜品:因為上菜時行開左,無留意叫咩名,食落似係果仁核桃餅,味道唔會太甜,好香果仁味,唔錯.
餐飲咖啡&檸茶:咖啡好香濃,檸茶好香紅茶味,清清地.
Post
