鮨政 (Closed)

一再到訪既鮨政，相比起晚餐既日本菜，午餐時段性價比真係好高。特別係香港仔呢間鮨政有做午餐SET，一個SET有麵豉湯有烏冬仲有茶碗蒸真係好滿足。周末去仲可以坐耐D慢慢享受呢個咁豐富既午餐。我最鐘意揀二人前的豪華海鮮飯，有兩個沙律，兩個烏冬，兩個茶碗蒸，仲有主菜係一個木盆舖滿魚生既飯，顏色又靚，份量又多。二個人食每人都可以食到三碗 (佢提供既碗計)。除了三文魚，吞拿魚，魷魚，熟蝦，玉子，蟹柳絲，有時仲有拖羅，好驚喜呢!物價上漲D份量係比以前少左，但係都仍然咁好食。