丼丼屋 (德福廣場) (Closed)

星期五個個都出街食飯, 每間舖都大排長龍, 今晚決定要食魚生飯, 嚟到德福日本餐廳都唔算多選擇, 一係吉列豚肉一係壽司一係拉麵既專門店, 所以揀咗呢間, 7點半左右攞飛都要等30張枱, 當然叫飛時有好多人都走晒, 所以都算係咁, 叫咗兩個刺身飯加兩杯特飲, 上菜時間都快, 待應話要等15-20分鐘, 但實際上都係10-15分鐘左右啫, 不過可能熟食就會慢啲啦, 其實想叫其他小食, 但個飯都好飽肚, 所以最後冇叫到親子三文魚丼 - 賣相不錯, 切到一粒粒既魚生新鮮, 油金魚子都好好味, 刺身同飯都份量十足雜錦魚生飯 - 賣相不錯, 有蟹子, 帶子, 三文魚, 熟蛋, 薄片既北寄貝, 全部都切到一粒粒, 樣樣都好新鮮好足料菠蘿特飲 - 賣相不錯, 味道就偏甜, 菠蘿味好濃巨峰提子檸檬雪芭特飲 - 賣相可以, 待應溫馨提示要撈一撈混先飲, 好濃巨峰提子味, 亦帶有少少檸檬既酸味同檸檬皮既果粒