樓下冰室 (Closed)

放工同家人係荃灣食晚飯，去左路德圍方便搵食。最後揀左食樓下冰室！野食選擇唔少，最後分別揀左一個番茄濃湯通粉加牛肉配招牌瑞士雞髀同吉列豬扒配厚切牛乳炒蛋治+粟米什果沙律，野飲一個要熱奶茶、一個要左紅綠椰冰🍹🍗 番茄濃湯通粉加牛肉配招牌瑞士雞髀瑞士汁好香，隻雞髀入晒味！番茄湯夠香，加配嘅牛肉都算幾滑。通粉份量好多好足，而且個粉唔會煮得過火👌🏻🥪 吉列豬扒配厚切牛乳炒蛋治+粟米什果沙律個什果沙律真係好有細個食嘅時候嘅味道！吉列豬扒都炸得好香脆。至於個厚切牛乳炒蛋治，層蛋真係好厚，搽咗牛油好香，好滿足！☕️ 熱奶茶隻杯幾靚😆 奶茶味都算幾香～🍹 紅綠椰冰顧名思義，即係紅豆加綠豆蓉嘅椰汁冰！好多豆、好足料！欣賞個綠豆蓉，而且個椰汁冰唔會太甜，好清新！跟餐可以半價加黎飲，都幾抵！樓下冰室野食整體份量都好充足，夠晒飽，味道都唔錯！價錢定價亦都適中，整體唔錯！