龍鳳餃子館 (Closed)

同朋友係港島行完山，打算係灣仔附近食啲嘢，見到openrice最新食評有呢間嘢就去試下啦！我一向都好鍾意食餃子，而且仲有好多涼菜都好啱我口味天氣咁熱，一坐低就當然要叫返杯豆漿解下渴先啦！甜度適中，豆味重，唔錯首先嚟咗個涼菜，係千層醬豬耳（跟餐＋＄19）豬耳好爽脆，而呢個千層更加有口感老闆娘好推介呢個，因為千層做法特別，同出而食嘅豬耳唔同～首先用醬汁同配料調味好，煮先再一層一層咁疊起，做到千層嘅效果！切開之後可以見到層次好分明，薄薄一片，好吃而不油膩。之後就到館子館嘅主角餃子啦，我叫咗白菜豬肉餃（＄40＠10隻）聽落＄4一隻餃子有啲貴，但係一分錢一分貨就真係無乜錯，食落就知係值嘅。餃子大大隻，好足料，菜同肉嘅比例平均，食落好有口感！餃子皮唔覺厚，一咬就有好多肉汁，所以我最鍾意係食蒸餃之後我再同朋友share咗個麻辣涼麵（＄59）呢個涼麵份量好大，一個人自己係絕對食唔晒（我講我自己咋）麵同配料分開上，有肉絲、青瓜絲、椒絲、蘿蔔絲同雞蛋～而辣醬都係可以因應返個人口味自己落，唔怕太辣，同朋友開心share無難度，如果唔食辣仲可以要個芝麻醬～肉絲好入味，有少少咸，但加埋啲青瓜絲就可以中和返辣醬幾