Video
Read full review
2006-08-22
15 views
晚終於試左佢地的晚市任食,7:15去到,唔太多人,9:30要還台。我地2人,俾左張4人台,之前真係以為2人俾2人位,仲要隔離係有人。人口好足,我一拎起張order紙,就有人走過來幫你落order,侍應都會自動自覺加茶,收碟速度真係極快.一食完就會問你仲要唔要,唔要幫你收左佢,所以唔會成台都係野,唔夠位擺。 係張order紙上已經列明d規矩,例如1-3人每次只可選6款,最多2 碟,另外最多可從8月精選食物選2款。 食物好多選擇成一百三十幾款,真係試幾次先試勻,多人黎食好d~分左前菜、豆腐料理、野菜、剌身、烤肉類、串燒、壽司、健康料理、彩食料理、飯麵等。 刺身:選擇雖然不多,得8款,我試過嚮螺片,好爽脆,鮮甜;甜蝦都好新鮮,算甜 串燒:只試過燒雞串,個汁ok,甜甜地 烤肉:有6款,試左鹽燒牛舌,有6片,另外燒羊肉,唔知點解切到碎哂,不過都好香,醬汁都係帶甜 健康料理:雞絲野菜鮮腐皮卷,最好食係呢個,軟軟的腐皮包住烚雞絲、青瓜絲、生菜絲、蝦,好爽口,夾埋個酸酸地的芝麻醬汁真係一流~~好值得推介。黑海草山芋餅,好似日式燒餅咁,有d沙律醬和燒汁,面頭好多木魚碎,唔係咁食到山芋係咩
係張order紙上已經列明d規矩,例如1-3人每次只可選6款,最多2 碟,另外最多可從8月精選食物選2款。
食物好多選擇成一百三十幾款,真係試幾次先試勻,多人黎食好d~分左前菜、豆腐料理、野菜、剌身、烤肉類、串燒、壽司、健康料理、彩食料理、飯麵等。
刺身:選擇雖然不多,得8款,我試過嚮螺片,好爽脆,鮮甜;甜蝦都好新鮮,算甜
串燒:只試過燒雞串,個汁ok,甜甜地
烤肉:有6款,試左鹽燒牛舌,有6片,另外燒羊肉,唔知點解切到碎哂,不過都好香,醬汁都係帶甜
健康料理:雞絲野菜鮮腐皮卷,最好食係呢個,軟軟的腐皮包住烚雞絲、青瓜絲、生菜絲、蝦,好爽口,夾埋個酸酸地的芝麻醬汁真係一流~~好值得推介。黑海草山芋餅,好似日式燒餅咁,有d沙律醬和燒汁,面頭好多木魚碎,唔係咁食到山芋係咩味,不過都ok
壽司:肉醬芝士卷.其實係肉醬意粉的壽司版,配搭幾新穎得意
野菜:涼拌雜菇菠菜,諗住清清地,點知原來個汁加左wasabi,鍾意芥辣的會鍾意。露筍牛油燒,有1條,幾香牛油味,食到鮮甜味道。南瓜天婦羅,好香口但唔漏唔太油,幾鬆脆,南瓜真係好香甜
精選料理:北海道蟹湯,黎到嚇左一跳,幾大鍋,入面有d豆腐、烏冬、蟹肉蟹腳,係麵豉湯底,都ok好食。燒抹茶花魚,d魚肉質一片片咁,咸咸地,幾好食。日式炸豆腐配豬骨湯,呢個一定要熱食,唔係個皮就浸林哂唔好食喇~~
魚類:燒三文魚,燒得o岩o岩好,好味
服務整體上都好滿意,侍應好有禮貌,無咩點miss order,食物上台速度都好快,5-10分鐘就有野食,而且係分開幾次咁上,一路食一路等。全程食得好開心。
Post