來佬餐館 (Closed)

今次試$468的2人餐(原價$568，Openrice訂座平$100)餐湯，前菜x2，主菜x2都有得揀。餐湯：黑松露湯：creamy，味道適中，配一片香軟蒜蓉包，開胃。前菜1：田螺焗薯：4隻田螺，配焗到香脆的薯蓉在底，唔錯。前菜2：來佬雞翼：4隻瑞士雞翼，是招牌菜。個來佬汁真係好好味呀！主菜1：焗魚：條魚比較薄的，無骨，幾入味，配少量菇和菜。主菜2：焗豬扒飯：我食過最正的焗豬扒飯，豬扒好鬆軟，飯乾身一粒粒，推介！甜品：招牌梳乎厘：唔多講，呢個必食啦。飲品：雪梨生薑圓肉茶(+$18/杯)：剛剛好，唔會好甜，薑都唔會好辣。入面有好多新鮮的圓肉，有薑有梨肉。午餐只係+$10就有得飲，想試晒全部呀，哈哈。環境：餐廳很寬敞，燈光柔和，好啱談心。有懷舊的裝修，比較特別。服務：逐道菜上，每食一道菜都換隻碟。職員有禮貌。鍾意每道菜都夠熱，證明係即製，有誠意。利申：大眾消費者的真心評價，希望和大家分享。