Cupping Room Coffee Roasters (汕頭街) (Closed)

今日約咗朋友去行山，係灣仔食早餐，朋友介紹，推介左呢間餐廳，佢話平時要排好耐隊，難得去到又唔使排隊。餐廳選擇種類好多，有唔同咖啡，價錢屬於中上。餐廳望落去唔算大，原來佢有2層，我哋選擇咗坐上層，地方好大，坐得好舒服。我同朋友都叫咗個有三文魚嘅早餐，賣相吸引，分量多，而且仲有生果🍎咖啡我就覺得一般，賣相已經唔吸引，拉花拉得唔靚，咖啡味道好普通。早餐唔錯，幾好食，而且用料多，最鍾意佢哋有生果，用心製作，可惜咖啡比較馬虎，減分，有少少失望，整體都算唔錯，坐得舒服，可以輕輕鬆鬆食個早餐。