好煮意 (Moved) New Location

Item: Cook Idea
Rating: 3
Author: 奧志雷

Cook Idea

3.5

43 Reviews

Taste

Decor

Service

Hygiene

Value

1304

Sheung Shui

Below $50

Hong Kong Style Noodles/Rice Noodles Tea Restaurant

奧志雷

Level4

2.1K

Read full review

早排試完人氣旺盛但浪得虛名既永發雞煲後，要再次尋找上水的美味雞煲 ﹗搵搵下發現好煮意喎，見到舖仔細細，但好多 fans 呢 ﹗今次到您啦 ﹗仲要等多三四張枱先到我地，天氣好熱啊。係街邊等等下，嘩 ﹗驚鬼死人咩 ﹗巨強呀，仲要飛添 ﹗同飛行巨強戰鬥完終於入座喇！有主舖位同副舖，今次坐副舖裡面，對面枱強國人一家大細嘈到拆天，好影響食野既情緒。第 1 次幫襯，照慣例細讀 menu 同牆上面既 poster 啦 ﹗食材種類未算好多，一貫雞煲店既做法，不過已經比一般既雞煲店為多，仲有埋新鮮海產食，good ﹗藥膳雞煲細，依度唔係分半隻或一隻，係大雞同細雞既分別。除左胡椒豬肚湯底要預訂多，另外仲有 3 款湯底揀，但見枱枱都係藥膳雞煲囉。妹妹細心指導點食個雞煲，先等湯底滾起，放晒所有雞入湯琴蓋，大滾後熄火，浸約十分鐘就食得喇，咁樣啲雞就會好滑。多謝妹妹提點，其實我細細個已經知道架喇。雞都幾靚，一睇就知唔差啦。個湯底好香喎，酒味連藥材香味，正。滾起就可以放晒啲雞件落湯，再琴蓋焗熟去。大力推介，必試！湯底香甜，酒味藥材味非常 balance，唔會過甜又唔會太濁或有澀味。浸完雞既湯就更美味，雞既精華滲入湯之中，連飲幾碗都唔停得口。雞肉夠滑溜，仲有淡淡雞味，滿意。手打鮮墨魚汁墨魚丸，必食！從來未食過新鮮濃郁墨魚汁既味道，堅香甜無比！仲非常彈牙，咬開粒黑魚丸仲見到勁 juicy，反晒光架 ﹗嗰啲所謂既墨魚汁意粉行埋一邊啦！手切本地鮮牛肉，味濃嫩滑多汁，高質！烚 5 成夠喇！極度鮮甜脆鯇腩，香甜爽脆啖啖肉！爽彈大碌海蝦！真蟹棒，烚唔散，口感結實！美味！味濃嫩滑多汁，高質！肉眼見得到既油潤，證明即日新鮮無隔夜。最多 5 成熟好喇，粉紅嫩滑牛肉味濃，彈牙有咬口，好好味啊！脆鯇魚腩，時令食材極度鮮甜，香甜爽脆啖啖肉，完全無草青味道，非常美味！海蝦，海鮮唔係晚晚供應架，睇吓你有無食神喇。海蝦都算新鮮，肉質爽彈又大碌，滿意！日本蟹棒，堅野黎架喎，唔係大陸貨，無搵笨，讚 ﹗烚到索晒湯、滾熱辣、出晒煙都唔會唔散，口感結實又彈彈的！美味！響鈴，通晒風唔脆喎，拖一拖湯咬落仲好韌添，好搞笑 ﹗都係當生根食會好味好多，哈哈。手打贊岐烏冬，未夠飽 ﹗整多個手打烏冬先！藥材雞湯底正呀！大火滾熟，見散開再等多幾秒就要食喇，煮得太腍唔好食。都係覺得唔夠濃味，撈少少豉油就剛剛好喇 ﹗質地嚥韌滑溜又彈牙，索左大量湯汁既味道，好好食 ﹗飽晒 ﹗非常滿足的初夜，無浪費，全部食物消滅 ﹗食材新鮮，手打鮮墨魚汁墨魚丸、手切本地鮮牛肉、脆鯇魚腩、海蝦、日本蟹棒、響鈴、手打贊岐烏冬。而且個雞煲堅好味道，永發個藥膳雞煲算罷啦！