Video
Read full review
2021-05-16
95 views
今日去咗位於天后嘅一間意大利餐廳食午餐。 我哋一點入座，餐廳已經坐左好多枱客人。餐廳分左戶外同室內嘅區域，戶外區域感覺非常悠閒，不過由於天氣太熱，同媽媽都選擇左坐返喺室內。星期日都有午市套餐，套餐由$118起，包左前菜同主菜，價錢合理，甜品同飲品就要分別另外加$10。餐廳更設有chill time ，下午12-8點，$388有2 bottle set既wine，都幾抵，撞啱時間都可以約埋朋友仔飲杯wine 放鬆吓！店員事先送上麵包一客，麵包質地軟熟。前菜方面，我哋分別叫咗粟米湯同埋蛋捲。粟米湯味道清甜，口感順滑。蛋捲包住火腿，旁邊放上Gorgonzola cheese做點綴，賣相精緻。蛋皮香，捲着火腿有層次感，點埋旁邊嘅cheese ，味道香濃。主菜方面，媽媽叫咗烤春雞，廚師非常細心，已經事先喺雞胸位去咗骨，方便食用。春雞外皮香脆，肉質幾嫩滑Juicy，加上檸檬汁，雞肉鮮味更出。而我就叫咗牛扒，肉質腍，而且牛味幾出，更有紫薯同薯仔做配菜，吸晒牛既肉汁，味道好香。我哋加咗是日甜品同飲品是日甜品係朱古力慕絲蛋糕配紅桑莓意大利雪糕，慕絲口感細滑，朱古力味濃郁，另外裏面仲有啲果仁碎，令蛋糕口感
我哋一點入座，餐廳已經坐左好多枱客人。
餐廳分左戶外同室內嘅區域，戶外區域感覺非常悠閒，不過由於天氣太熱，同媽媽都選擇左坐返喺室內。
星期日都有午市套餐，套餐由$118起，包左前菜同主菜，價錢合理，甜品同飲品就要分別另外加$10。
餐廳更設有chill time ，下午12-8點，$388有2 bottle set既wine，都幾抵，撞啱時間都可以約埋朋友仔飲杯wine 放鬆吓！
店員事先送上麵包一客，麵包質地軟熟。
前菜方面，我哋分別叫咗粟米湯同埋蛋捲。粟米湯味道清甜，口感順滑。
蛋捲包住火腿，旁邊放上Gorgonzola cheese做點綴，賣相精緻。蛋皮香，捲着火腿有層次感，點埋旁邊嘅cheese ，味道香濃。
主菜方面，媽媽叫咗烤春雞，廚師非常細心，已經事先喺雞胸位去咗骨，方便食用。春雞外皮香脆，肉質幾嫩滑Juicy，加上檸檬汁，雞肉鮮味更出。
而我就叫咗牛扒，肉質腍，而且牛味幾出，更有紫薯同薯仔做配菜，吸晒牛既肉汁，味道好香。
我哋加咗是日甜品同飲品
是日甜品係朱古力慕絲蛋糕配紅桑莓意大利雪糕，慕絲口感細滑，朱古力味濃郁，另外裏面仲有啲果仁碎，令蛋糕口感更有層次，紅桑莓意大利雪糕味道酸甜，中和返朱古力嘅甜味。
飲品方面我哋嗌左冷、熱咖啡，咖啡味道香濃順滑。
總括嚟講，餐廳環境坐得舒服，店員服務態度良好，食物質素唔錯，價錢合理，非常滿足嘅一餐！
Post
