Video
Read full review
2019-02-26
446 views
2月14日情人節，老公專登出來找我食lunch，做咩唔食dinner? 因為夜晚要返屋企睇小朋友嘛，邊有得二人世界呢！睇過幾間餐廳，最後選定Marbling，有semi-buffet感覺豐富一點。之前同同事黎過食，印象唔錯，所以今次再來。事前已訂座，黎到餐廳唔洗等就入得。位於百德新街食街之內，很喜歡食街內的餐廳都有戶外座位，感覺很悠閒但從來無坐過出面！一入餐廳感覺燈光比較暗，與外面明媚的陽光成很大對比，餐廳8成滿，座位之間都比較接近，以藍白為主調的裝修感覺舒服。時間關係，很快就選定了主菜，然後去開始取頭盤。semi-buffet當然不能與真正的自助餐相比，頭盤款式包括不同沙律、火腿、芝士(都有3款)和麵包，以及相對吸引的煙三文魚和青口，地方不算自大，但興幸都不用排隊取食物。我記得上次來還有蝦仁凍盤，今次就沒有了。味道不過不失。待應中途自動送上迷你餐湯，真係好迷你，細細杯，2-3啖飲完，今日係龍蝦湯，夠濃味！過多一陣主菜都自動送上，我今日選了卡邦尼意大利扁麵($178)，有隻温泉蛋附送再配以碎煙肉，好味道夠creamy！而老公就選了主廚精選：西冷牛扒、燒春雞、香辣大蝦($258)，開初睇
事前已訂座，黎到餐廳唔洗等就入得。位於百德新街食街之內，很喜歡食街內的餐廳都有戶外座位，感覺很悠閒但從來無坐過出面！一入餐廳感覺燈光比較暗，與外面明媚的陽光成很大對比，餐廳8成滿，座位之間都比較接近，以藍白為主調的裝修感覺舒服。時間關係，很快就選定了主菜，然後去開始取頭盤。
semi-buffet當然不能與真正的自助餐相比，頭盤款式包括不同沙律、火腿、芝士(都有3款)和麵包，以及相對吸引的煙三文魚和青口，地方不算自大，但興幸都不用排隊取食物。我記得上次來還有蝦仁凍盤，今次就沒有了。味道不過不失。
待應中途自動送上迷你餐湯，真係好迷你，細細杯，2-3啖飲完，今日係龍蝦湯，夠濃味！
過多一陣主菜都自動送上，我今日選了卡邦尼意大利扁麵($178)，有隻温泉蛋附送再配以碎煙肉，好味道夠creamy！
卡邦拿意大利扁麵
$178
10 views
0 likes
0 comments
就是把三件東西放埋一齊，牛扒都OK的，蝦講明係辣的，唔算好勁但無乜香味。
至於燒春雞可謂今日敗筆之作，雞胸位置好鞋，鞋到我老公都食唔哂(我們平時好少食剩嘢！)不過雞脾位置係滑既！
相比之下，我覺得意粉好味好多，又相對抵食！食完主菜其實都好飽，但當然唔會放過甜品！除了不同款式的Cake，仲有水果、奶凍同埋值得一讚的麵包布甸！我直情覺得係我呢生人食過最好食的麵包布甸！平時食那些好多時好濕，但今次呢個唔係，焗得剛剛好！又唔會過甜！總之令我印象深刻！(但我竟然無影相)而牛海道牛乳奶凍都好滑！
最後還有餐茶送上，真係超豐富的一餐！
還要讚下餐廳的心思，除了佈置上有不少情人節裝飾，連甜品上的朱古力牌也會寫上「I Love You」呢！
餐廳的另一角今日沒有客人坐，我們上次team就是坐這邊，變左一張大長枱，所以人多來也可以。
Other Info. :
此餐廳屬Mr. Steak集團旗下，根據網頁資料，Marbling「油花」此字在烹飪的門藝裏，是指在一塊鮮肉中，一點點或一條條分佈在紅色瘦肉之間的白色脂肪，令肉的表面佈滿了像大理石表面般美妙的紋路。油花為鮮肉本身帶來油香，也為肉帶來更佳口感和風味，更是用來評價肉質的一個指摽。大體來說，鮮肉的油花表現越好，肉便越優質。
(The above review is the personal opinion of a user which does not represent OpenRice's point of view.)
Post
