Video
Read full review
2014-06-17
13232 views
今年父親節一家四口去左食buffet!Search左一輪,最後決定去呢間大角咀珀麗酒店入面既協奏坊西餐廳試下怕父親節正日會好多人,所以提早左成個禮拜book位自己本身對自助餐不嬲都唔會抱好大期望,最緊要就係食得舒服同埋野食種類要多選擇!Haha一入酒店,我就覺得夠哂時尚摩登,可惜今次唔係要住酒店講返自助餐先,餐廳環境干淨企理,十分舒服!野食種類比我想像中多,尤其是甜品(成家人都中意食甜野)冷盤有長腳蟹、凍蟹、扇貝、蝦、生蠔、沙律等等, 個人覺得冷盤都好鮮味,而且d汁同沙律醬好開胃, 唔覺唔覺都食左幾多數隻長腳蟹同扇貝!淨係冷盤都已經算幾多選擇下!除此之外,仲有大量壽司同刺身供應!唔係講笑,d刺身都幾肥美,最愛既三文魚都好鮮甜,仲擺得勁靚勁整齊,個wasabi仲成個花形咁,好有心機!主菜方面都有好多選擇, 我地最中意就係呢味三文魚,煙得岩岩好,好入味,最加分就係個醬汁,酸酸甜甜,好好味!!之後就到我地最期待既甜品啦!!不得不提,呢到既甜品真係好有水準!!而且好多選擇,真係花多眼亂,咩都想試下果撻賣相好靚,有士多啤梨同藍莓揀,當然為食既我地兩隻都試左啦!!個外皮鬆脆之餘,入面d吉士真係好滑
Search左一輪,最後決定去呢間大角咀珀麗酒店入面既協奏坊西餐廳試下
怕父親節正日會好多人,所以提早左成個禮拜book位
自己本身對自助餐不嬲都唔會抱好大期望,
最緊要就係食得舒服同埋野食種類要多選擇!
Haha一入酒店,我就覺得夠哂時尚摩登,可惜今次唔係要住酒店
講返自助餐先,餐廳環境干淨企理,十分舒服!野食種類比我想像中多,尤其是甜品(成家人都中意食甜野)
冷盤有長腳蟹、凍蟹、扇貝、蝦、生蠔、沙律等等, 個人覺得冷盤都好鮮味,
而且d汁同沙律醬好開胃, 唔覺唔覺都食左幾多數隻長腳蟹同扇貝!
淨係冷盤都已經算幾多選擇下!
除此之外,仲有大量壽司同刺身供應!唔係講笑,d刺身都幾肥美,最愛既三文魚都好鮮甜,
仲擺得勁靚勁整齊,個wasabi仲成個花形咁,好有心機!
主菜方面都有好多選擇, 我地最中意就係呢味三文魚,煙得岩岩好,好入味,最加分就係個醬汁,酸酸甜甜,好好味!!
之後就到我地最期待既甜品啦!!不得不提,呢到既甜品真係好有水準!!而且好多選擇,真係花多眼亂,咩都想試下
果撻賣相好靚,有士多啤梨同藍莓揀,當然為食既我地兩隻都試左啦!!個外皮鬆脆之餘,入面d吉士真係好滑, 呢個果撻絕對係我favorite!
一口氣食左幾舊
呢個一口匙羹裝住既就係奶凍,細細淡夠哂迷你,奶凍入口又滑又軟,甜得黎唔會好“溜”!
另一最愛係藍莓cheese cake!!藍莓絕對落足料,芝士味濃郁,口感岩岩好!
另外仲有其他甜品,真係好多選擇!!例如細細盅芒果布匐,又滑又有芒果肉!同埋tiramisu都好好味!!
今次呢餐父親節飯,老豆好滿意,個個都食到飽一飽,但好似我仲食得開心過老豆xd 食左咁多甜品,要減下肥先得啦!!
Post
