Video
Read full review
2007-12-22
16 views
臨近聖誕聚會特別多,朋友約係官塘話食韓國燒烤,好似好滯喎,不過是但啦.星期三約咗7:00,我遲到7:45先到,成班friend巳經食到成枱都係,我先飲碗人參雞湯暖吓個胃,好有人參味,义燒好入味,尤魚鬚同墨魚仔必食,好juicy,香茅牛肉,豬肉都好好味,雞肉勁有薑味...韓式煎餅辣辣哋脆脆哋,超好味.本來都唔係咁想食韓燒,點知食食吓停唔到口,食咗半個鐘巳經飽到攬住過肚,見到甜品柜好多甜品,忍唔住又出去攞,芒果布甸好滑,士多啤梨毛士外型靚又好味,好耐無食過jelly,重係細細杯酸酸甜甜加花奶細個食開果隻,其他重有芝士杯,朱古力毛士,焦糖布甸,泰式西米糕...呢間餐廳好細心,全部甜品都係杯裝嘅,唔似酒店咁,整幾個旦糕,幾盤甜品放隻剷仔,剷多兩剷巳經成pet屎咁,我哋一枱10個人,食到成枱都係杯碟,樓面亞姐巳經不停手執都執唔切,我哋都唔好意思,其實我哋應該遁環用啲杯碟,但係食得太興奮忘記了,下次一定會.Sorry.本來嚟食呢餐志在同朋友聚一聚,完全對韓燒無乜祈望,點知出奇咁多款式同好味,$88加一又無其他爐費,湯底,茶費,真係好抵,話就話限時2個鐘,我哋食到9點幾10點足足3個鐘先走,完全無趕
星期三約咗7:00,我遲到7:45先到,成班friend巳經食到成枱都係,我先飲碗人參雞湯暖吓個胃,好有人參味,义燒好入味,尤魚鬚同墨魚仔必食,好juicy,香茅牛肉,豬肉都好好味,雞肉勁有薑味...韓式煎餅辣辣哋脆脆哋,超好味.
本來都唔係咁想食韓燒,點知食食吓停唔到口,食咗半個鐘巳經飽到攬住過肚,見到甜品柜好多甜品,忍唔住又出去攞,芒果布甸好滑,士多啤梨毛士外型靚又好味,好耐無食過jelly,重係細細杯酸酸甜甜加花奶細個食開果隻,其他重有芝士杯,朱古力毛士,焦糖布甸,泰式西米糕...
呢間餐廳好細心,全部甜品都係杯裝嘅,唔似酒店咁,整幾個旦糕,幾盤甜品放隻剷仔,剷多兩剷巳經成pet屎咁,我哋一枱10個人,食到成枱都係杯碟,樓面亞姐巳經不停手執都執唔切,我哋都唔好意思,其實我哋應該遁環用啲杯碟,但係食得太興奮忘記了,下次一定會.Sorry.
本來嚟食呢餐志在同朋友聚一聚,完全對韓燒無乜祈望,點知出奇咁多款式同好味,$88加一又無其他爐費,湯底,茶費,真係好抵,話就話限時2個鐘,我哋食到9點幾10點足足3個鐘先走,完全無趕客或夠鐘熄爐嘅情況,亞姐見我哋自己加湯都走嚟幫手,我整夾餅整到黏晒底,個侍應姐姐又走嚟幫我清潔好夾餅機,然後教我跟指示牌整一次,絕對無黑面,服務態度幾好,一定會介紹比朋友.
Post