新麻蒲 BBQ (波斯富街) (Closed)

男友一直對新麻蒲情有獨鍾，覺得比其他韓燒好食，今日就帶咗佢去再食啦。我哋叫咗一個牛肉套餐，因為佢仲想試埋部隊鍋🤣食韓燒唔少得就係無限前菜，特別想講一講個沙律，佢係好似柚子汁加粟米汁咁樣，好似好奇怪但係其實好好食好開胃！👍🏿牛肉套餐有三款牛肉同埋兩隻蝦同菇，霜降牛肉好好食!!!肉既份量都幾多，仲有埋部隊鍋，入面又係午餐肉/牛肉/腸，味道唔錯，反而感覺爭個飯，所以我地都要加多個白飯😂😂😂叫埋野飲埋單唔洗$500，幾好。