Agehan (Closed)

因為朋友仔超鐘意食饅魚飯，所以好多時都會揀有饅魚飯嘅餐廳，今次就帶佢嚟呢到食，順便同佢慶祝生日。唔知係咩煮菠菜，因為我見menu好似無咩蔬菜，就直接問人有咩菜可以食，佢就推介呢個喇，都幾好食架~一碗裡面有3大片饅魚，真係第一次見咋，打開個蓋見到時，同朋友仔都嚇親，最後我哋兩個都食唔晒呀~燒肉飯，其實係我朋友睇menu時話都想試呢個，咁我咪叫囉，諗住可以一齊食吖嘛… 點知意外就係咁發生架喇，竟然係牛肉，我朋友係唔食牛架… 我又唔太好，唯有照食啦，最後真係食淨好多，但佢係好食架，牛味好濃，只係我自己不能夠一次過食太多肉，攪到覺得好對唔住碗飯囉~最後有一小個甜品，無辦法，呢個真係唔啱我食，咬咗一小啖就擺低咗。