鐵魚川式食堂 (Closed)

冬天黎啦 就想食下啲辣 烤魚就係一個好選擇。呢度既烤魚有好多味可以簡 今次我就簡左阿來冬蔭烤魚 同場仲有埋雞煲可以食 滿足曬我兩個願望。好鍾意佢既雞煲 好嫩好入味 一啲都唔鞋 平時食開中辣既我 今次簡左尷尬辣 覺得辣味偏小 可以試大一個度烤魚啲肉烤到岩岩好 同樣好嫩 不過就唔多入味 唔係話好食到冬蔭味 不過魚肉點下雞煲汁都唔錯既食到咁上下 就可以落下啲餸啦 今次就嗌左手切牛腰脊、黑豚腩片、鵝腸。黑豚腩片超正，入口即溶，必食！其他就不過不失。 海鮮方面就簡左聖子、海蝦、扇貝同白膳片。 白膳片冇骨鮮嫩，不過切得太薄，唔夠喉。聖子彈牙多肉。飲品可以簡佢既特飲，自己就偏好菊花薑蜂蜜茶。