韓珍 (帝國中心) (Closed)

係尖沙咀帝國中心附近有好多燈飾已經亮燈，影完相，就去左呢間餐廳食晚餐。見到老闆係韓國人，好熱情友善，仲親自打理～韓珍新鮮的套餐🤪2-3人份量，我同媽媽兩人絕對夠食，每人都分到2件肉~食材包括海鮮及肉類！我最喜歡係鮮鮑魚，店員提醒我地唔需要煮太耐，仲走過來幫我地剪開一半令佢易熟，服務周到！鮑魚本身有醬油，燒一陣更加可以逼出醬香~🥳🦐大蝦非常大隻，肉質燒完都不會乾身！醬油雞肉！一直都仲有醬汁浸住！燒嘅時候，吾夠味，塗多幾層汁都得！雞肉非常扎實🐥豬肉有3款:豬頸肉、豬頰肉、護心肉全部都好重豬味，特別係護心肉，高級店先有，好矜貴！不能錯過嘅當然係牛肉！雪花牛肉啲紋路好靚，鮮嫩多汁，另外牛舌都好薄切~係燒拼盤裏啲肉嘅同時，都可以食其他地道美食～例如：原個蛋pizza!!!裏面有好多材料，其他餐廳只加少量泡菜粒，仲要等佢慢煮，呢間已經整好曬，重點係吾洗等！🥳仲有泡菜、沙律、芽菜、青瓜等等，滿”韓”全席!!! 超級豐富🤪加分位係張枱吾夠位放，店員主動開個架擺啲食物！吾洗搞到無位連碗都放吾到🌝🌝🌝