Video
Read full review
2022-11-14
223 views
太太之前係旺角返工，會經常幫襯甜記，堂食又有，外買生餃亦有，我亦因此接觸甜記的餃子，覺得餃子比其他水餃店味道更好。話說今日經旺角做野，午飯時間幫襯，亦係我第一次到甜記堂食。係門外等左2分鐘，午飯時間黎講算係好快。入到去坐低，用QR code叫左個莞茜豬肉湯餃x5+米線+熱洛神花茶。好快就送上左杯洛水花茶，味道略嫌偏甜，尚算ok既。等左接近20分鐘，坐我身邊既人都上曬菜食緊，唯獨我碗米線仲未到，於事我叫了一位女服務員跟一跟單，前後有2位女服務員望一望我張單，再走入廚房望個究竟，然後其中一位女服務員同我講唔好意思話廚房攪錯左，整左煎餃（我係叫湯餃），問我會唔會轉，我一口拒絕並且叫佢要快（午飯時間係旺角，得1個鐘頭放飯時間唔快唔得）。她說要再等7分鐘，好，我忍，最後前後由落單到上菜已經差唔多25分鐘。事情未完，上左米線，開始食，食左第1粒水餃，味道一般，同平時唔一樣，食第2隻，有d唔對路，咬開，發現唔係莞茜，再望真d,，係豆角，我本人係比較討厭的。呢個時候，我塊面已經黑過墨豆，於是，又叫了同一位女服務員，同佢講：「我叫莞茜餃wo。」今次佢好快另上左5隻莞茜餃俾我（應該係用左其他人既單所以唔駛
太太之前係旺角返工，會經常幫襯甜記，堂食又有，外買生餃亦有，我亦因此接觸甜記的餃子，覺得餃子比其他水餃店味道更好。
話說今日經旺角做野，午飯時間幫襯，亦係我第一次到甜記堂食。
係門外等左2分鐘，午飯時間黎講算係好快。
入到去坐低，用QR code叫左個莞茜豬肉湯餃x5+米線+熱洛神花茶。好快就送上左杯洛水花茶，味道略嫌偏甜，尚算ok既。
等左接近20分鐘，坐我身邊既人都上曬菜食緊，唯獨我碗米線仲未到，於事我叫了一位女服務員跟一跟單，前後有2位女服務員望一望我張單，再走入廚房望個究竟，然後其中一位女服務員同我講唔好意思話廚房攪錯左，整左煎餃（我係叫湯餃），問我會唔會轉，我一口拒絕並且叫佢要快（午飯時間係旺角，得1個鐘頭放飯時間唔快唔得）。她說要再等7分鐘，好，我忍，最後前後由落單到上菜已經差唔多25分鐘。
事情未完，上左米線，開始食，食左第1粒水餃，味道一般，同平時唔一樣，食第2隻，有d唔對路，咬開，發現唔係莞茜，再望真d,，係豆角，我本人係比較討厭的。呢個時候，我塊面已經黑過墨豆，於是，又叫了同一位女服務員，同佢講：「我叫莞茜餃wo。」今次佢好快另上左5隻莞茜餃俾我（應該係用左其他人既單所以唔駛重頭煮過），但我已經無曬胃口，一來，已經食左2隻豆角餃有少少反胃（唔關隻餃子事，係本人不喜歡），二來已經無心情，一份$48既餐，5隻餃子加碗粉咁簡單既野攪左我接近25分鐘，連錯2次你都無胃口啦。
成件事唔關服務員事，但的確可以再做好d。
1. 服務員見我身邊既客人上曬菜，見我張枱空空如也應該要主動跟進吧。如果我唔係叫佢地跟一跟單，我諗我等既時間會更耐。
2. 服務員話廚房整錯左煎餃，我覺得你free俾我，再另煮湯餃，我白等果20分鐘我會覺得gur d。當時我已經好肚餓，然後同我講廚房而家開始煮，叫我等多7分鐘，你係客人你會咩心情？
3. 上錯食物亦係好嚴重既事，如果客人有食物敏感，問題可大可小，分分鐘鋪頭要賠埋醫藥費，請正視。
結論：永不幫襯
Post