Video
Read full review
2020-09-20
96 views
荃灣開左間新放題，睇相同食評都好似又好味，款式又多，特登星期六出黎會一會佢！餐廳位於廿一樓，個view係靚既，一入去侍應服務態度都幾好，好仔細同我地介紹返d收費，火鍋湯底等等，如果想食d特別d既湯底，就需要加錢架啦～廢話唔多講，直入戲肉: 食物質素！食物分五大類: 刺身，炸物，天婦羅，串燒，火鍋/自取食物刺身: 食得出新鮮嘅，種類唔算多，鮮甜厚切，唔會無味又霉哂咁炸物/天婦羅: 點解呢兩個種類會擺埋一齊講？因為我都分唔出呢兩個種類有咩分別。炸出黎一模一樣不特止，連食物種類都有一半係重疊既。炸粉，味道亦都一樣，咁又何必開多一款出嚟呢？值得一讚嘅係炸蝦做得好出色，外層好酥脆，蝦都好大條😋😋串燒: 種類好多，又有汁燒又有鹽燒十幾廿樣野食可以揀。但係我食完諗咗好耐都諗唔到一樣可以推介...SOR火鍋/自取食物: 叫咗個麻辣湯同甜豉油湯，兩樣味道都好好，不過都煲耐左個麻辣湯有啲偏鹹，叫佢加湯居然係加水有啲失望，起碼都加清湯啊...不過值得一讚嘅係自取食物嘅丸類都幾多特別嘅款式，而且居然有salami同 Parma ham夾芝士食，味道都幾好，有啲出乎意料～除此之外，豬牛雞等等既肉都食得出有雪味無
餐廳位於廿一樓，個view係靚既，一入去侍應服務態度都幾好，好仔細同我地介紹返d收費，火鍋湯底等等，如果想食d特別d既湯底，就需要加錢架啦～
廢話唔多講，直入戲肉: 食物質素！
食物分五大類: 刺身，炸物，天婦羅，串燒，火鍋/自取食物
刺身: 食得出新鮮嘅，種類唔算多，鮮甜厚切，唔會無味又霉哂咁
炸物/天婦羅: 點解呢兩個種類會擺埋一齊講？因為我都分唔出呢兩個種類有咩分別。炸出黎一模一樣不特止，連食物種類都有一半係重疊既。炸粉，味道亦都一樣，咁又何必開多一款出嚟呢？值得一讚嘅係炸蝦做得好出色，外層好酥脆，蝦都好大條😋😋
串燒: 種類好多，又有汁燒又有鹽燒十幾廿樣野食可以揀。但係我食完諗咗好耐都諗唔到一樣可以推介...SOR
火鍋/自取食物: 叫咗個麻辣湯同甜豉油湯，兩樣味道都好好，不過都煲耐左個麻辣湯有啲偏鹹，叫佢加湯居然係加水有啲失望，起碼都加清湯啊...
不過值得一讚嘅係自取食物嘅丸類都幾多特別嘅款式，而且居然有salami同 Parma ham夾芝士食，味道都幾好，有啲出乎意料～
除此之外，豬牛雞等等既肉都食得出有雪味無醃過；嗌炸洋蔥圈黎錯左兩次炸魷魚圈；落咗三次牛舌同炸雞皮都無黎過；刺身落咗三次單淨係嚟咗一次；自取食物refill速度緩慢⋯⋯
總結: 其實可以唔洗咁多款食物，就算cut左串燒同天婦羅，相信改善左食物質素，一樣留得住d客。
試過就好，改善左先會再黎🤭
Post
