大滿喜日本料理 (Closed)

漏單，上菜慢，服務態度差夜晚8點入座A22，8點零8分落單，野食40分鐘後仍然未到齊。之後又有2隻曱甴，告知店員之後獲換去C11坐，店員話食物可以重新再落過單，9點開始落單，落左3，4次都漏，羊𩣑叫左4次，1隻都冇嚟過，叫其他野食份量又一定會cut一半，谷鬼氣叫埋單，比完錢坐左15分鐘都未找錢，又係同staff講先過嚟找錢，一句唔好意思都冇。本身對呢間放題幾有好感，奈何佢咁樣嘅服務態度同上菜速度令人感到極度失望。冇下次，同一價錢仲有大把選擇。