Video
Read full review
2022-05-26
296 views
100個嬲！！ 放假見天氣好☁️☁️，就行去海旁食dinner。附近既餐廳都人山人海，見呢間唔洗等位就入左去，原來係惡夢嘅開始。其實侍應們既態度都唔錯，落單之後立即上左支Still Water (收費)，等左20分鐘後都開始肚餓，就問waitress 姐姐可唔可以上左飲品先。佢再問多我一次飲咩，再同同事double confirm先俾野我地。如是者，我地得到蘋果汁同埋兩條breadstick。之後朋友工作有call，我就繼續玩電話一路等。已經30分鐘有多，前菜呀～湯呀～毛都未有條。我就問waiter哥哥到底食物幾時到，佢話食物已經整緊。我望一望安心出行，嘩！原來已經坐低咗45分鐘(估唔到安心出行居然有呢個作用)。時間已經嚟到晚上9:00，侍應哥哥走黎問last order有冇野要加。我果下真係又嬲又好笑，我show 安心出行俾佢睇，再同佢講我地坐足45分鐘，真係什麼都沒有，佢話食物就黎到。再等多10分鐘，侍應哥哥怯哂咁咁行過黎話，原來由頭到尾個order都係漏左，佢仲問我要唔要重新order多一次。 😂😂😂大佬！你都識講 last order 左啦！個廚都收左工啦！你搵邊個煮野俾我食呀？途
放假見天氣好☁️☁️，就行去海旁食dinner。
附近既餐廳都人山人海，見呢間唔洗等位就入左去，原來係惡夢嘅開始。
其實侍應們既態度都唔錯，落單之後立即上左支Still Water (收費)，等左20分鐘後都開始肚餓，就問waitress 姐姐可唔可以上左飲品先。佢再問多我一次飲咩，再同同事double confirm先俾野我地。
如是者，我地得到蘋果汁同埋兩條breadstick。之後朋友工作有call，我就繼續玩電話一路等。
已經30分鐘有多，前菜呀～湯呀～毛都未有條。我就問waiter哥哥到底食物幾時到，佢話食物已經整緊。
我望一望安心出行，嘩！原來已經坐低咗45分鐘(估唔到安心出行居然有呢個作用)。
時間已經嚟到晚上9:00，侍應哥哥走黎問last order有冇野要加。我果下真係又嬲又好笑，我show 安心出行俾佢睇，再同佢講我地坐足45分鐘，真係什麼都沒有，佢話食物就黎到。
再等多10分鐘，侍應哥哥怯哂咁咁行過黎話，
原來由頭到尾個order都係漏左，佢仲問我要唔要重新order多一次。 😂😂😂
大佬！你都識講 last order 左啦！個廚都收左工啦！你搵邊個煮野俾我食呀？
途中佢地同我溝通超過四次，原來冇一個人幫我check過張單。我又嬲又肚餓，仲開始胃痛，我淨係想離開呢個地方。
成件事完咗已經係9:10左右，附近都冇咩餐廳仲take orders。好彩我地搵到間食burger舖頭仲開。有食物落肚果下簡直係人間美味，下回再講。
🚫🚫🚫Do not recommend! 🚫🚫🚫
Waited for 55 minutes then they finally discovered the order has been missed.
I have asked for drinks and starters and finally the mains for at least 4 times.
Sadly, the people there just tell me the food is almost ready. But at the 55 minutes they ask if I can tell them my order again. 😂😂😂
All of the restaurant closes at 10pm and we left this restaurant at 9:10pm with no food. It was hard to find food elsewhere. My stomach hurts that whole night because of this restaurant.
Very disappointed experience.
This is all you can get from the restaurant
26 views
0 likes
0 comments
Post
