漢和韓國料理

Open Now

Now Closed

👉已經唔記得對上一次嚟漢和係幾時，只係記得佢之前喺珠城大廈，今日已經喺銅鑼灣廣場一期！呢度地方超大，冷氣、抽風都做得唔錯👍.👆職員經常補給食物、又密密手清潔食物區枱面保持衛生，但地面少不免有油彈有少少黏黏哋！📌燒烤區：各式豬、牛、雞、魷魚、蔬菜⋯都係應有儘有，但牛肉只得牛肉片、肥牛2款，冇我至愛嘅牛仔骨有啲失望！😒📌熟食區：沙律、壽司、前菜、小食、炒飯、湯⋯都做得唔錯，至少唔難食。👉特別推介：📌柚子蜜蛋散 ～ 炸起脆卜卜，可加楓糖漿或柚子蜜，個人超級推薦加柚子蜜，酸酸甜甜，輕易食咗幾轉😄📌豬腳薑醋 ～ 另一出色之作，雞蛋、豬腳仔軟硬適中，入口腍滑又保持少少口感，甜醋中蘊含大量骨膠原，絕不能錯過🤤📌甜品區：中式糖水、豆腐花、涼粉、小杯雀巢雪糕、奶凍、杞子桂花糕、椰汁西米糕、啫喱糖、生果⋯推介：《小杯奶凍》、《杞子桂花糕》📌星期六、日、假期午市$143，連加一埋單$158/人，任食2小時 ～ 大滿足😋