MOS Burger (Closed)

MOS burger好就我自己個地方，而且睇落個感覺都唔錯,就去食下佢同其他地方有咩分別喇。平時好少食,入到去都唔知揀咩好,佢有得自己揀材料,不過對有選擇困難症既我真係有困難,所以決定食餐。唔洗我諗咁多。揀好個包之後,加錢配個薯條同飲品,佢個薯條好唔同既就係佢粗身好多,外面好脆口,入面就有薯味,唔會話得粉味,加埋鹽就仲正,不過我自己就唔食茄汁,所以覺得薯條個份量岩岩好,唔多唔少,講埋個包,好簡單既漢堡,不過就有一塊厚厚地既牛肉,肉汁都夠既,不過可以再多番少少,蕃茄都幾新鮮估唔到,成個包加埋個汁好開胃,而且唔算太油膩。加埋杯飲品已經好飽,仲諗住食包唔會太飽,點知都係太飽,不過都好好食