風月堂 (Closed)

晚上旺角二人晚餐,風月堂自己未試過！朋友介紹話好味！上去唔使等位！店員帶我們到二人位放低餐牌！地方光猛乾淨，和式木傢俬裝修！客人多都唔太嘈，環境坐得好舒服，兩個人價偈幾好！叫咗：澳洲肉眼扒--配燒汁，肉眼扒有啲韌！（平時肉眼肉質應該偏淋）雖然肉味都夠！燒汁香口好味！配菜都肯花心思！蕃茄仔有用香草碎焗過！西蘭花爽脆，薯條粗身，外脆內軟，唔點茄汁都夠味！漢堡包--一上菜已經覺得好大份，餡料好多，基本上無可能就咁咬來食（我唔係櫻桃小咀）要分開一層層食！唔夠攞起個包食咁爽，生菜爽脆，蕃茄新鮮多汁！半溶芝士包住牛肉！牛肉漢堡厚身唔乾，有小小肉汁！薯條都係粗身，近似薯角！好味！服務令人舒服！需要服務時就有店員注意到，但又唔會令人覺得騷擾！店員勤快！唔會趕客！旺角舒服食一餐，仲可以傾下偈嘅餐廳真難得！