Burgerman (欽州街) (Closed)

本身自己都幾鍾意食burger，之前見到有人推介深水埗嘅burger 店，所以專程過嚟試一試。入到去坐咗冇耐就見好多人都過嚟order，就知道呢間應該係唔錯既。我哋叫咗兩個漢堡 :至尊漢堡 - 材料豐富，用咗安格斯牛肉，所以肉質口感好，而且好juicy，夠晒豐富。鵝肝安格斯漢堡 - 比較少見漢堡會有鵝肝，食起上嚟有幾夾，一次過滿足晒食漢堡同埋鵝肝嘅滋味。至於配菜揀咗薯條同埋薯格各一，兩樣嘢都係即叫即炸，所以好脆口。總括而言，呢度嘅漢堡或者配菜都係即叫即做，所以夠晒新鮮，如果再過嚟深水埗都會再去食多次😋