嘉寶漢堡 (和益中心)

Open Now

Now Closed

嘉寶漢堡一路都有啲名氣，黎到尖沙咀，見未係好多人，就排下隊，起碼人龍未排到門外。餐牌選擇都頗多，都要考慮一啲時間㗎。黑松露芝士牛堡，黑松露味勁香，隔住個盒都聞到。 漢堡牛肉又厚又多汁，正。 漢堡包夠鬆軟， 仲有蕃茄生菜餡，出色。另一個係蜜糖芥末菠蘿雞堡， 雖然蜜糖芥末醬較淡，又冇黑松露味咁香， 但雞肉嫩滑，配合清甜菠蘿，都唔錯。加咗小食炸燒賣同炸薯條，薯條正常貨色，燒賣就唔會太乾，還可以。因為係外賣自取，落單時有請佢地幫忙切開漢堡，但拎到返去先見到佢冇，食落就有少少麻煩啦。