漢堡佬 (Moved) New Location

唔知點解今日好想食漢堡，特意去到新北江商場漢堡佬去買。雖然漢堡佬細細間，不過菜式都有多嘅選擇，有漢堡，意粉同小食。我平時都係食開雙層芝士牛肉漢堡，今日就打算試下新野，叫左個$38 元祖脆雞漢堡。雞真係好大塊兼且好厚身，咬落非常多汁，加上麵包有烘過，配埋新鮮蕃茄同生菜同自製醬汁，脆雞漢堡真係好好食，呢間漢堡水準真係好高。佢地嘅漢堡，我覺得完全可以媲美出面西餐廳嘅水準，仲要價錢平咁多添！令我都好好奇佢哋嘅意粉同小食嘅水準如何，如果下次經過，要試埋先。